مبلغ 9700 ريال شوفوا فكرتي وانصحوني

السلام عليكم


الله يرزق الجميع من واسع فضله


جمعت مبلغ 9700 ريال الشاطره في توزيع الفلوس تنصحني هل الاهم اسوي اسناني ولا طقم ذهب اذا تكفي ولا جهاز


تنظيف بشره ولا مجموعة جلابيات فخمه ولا فيه فكره ثانيه افضل


وكم اقتطع للصدقه


ماشاء الله هنا عضوات يوزعون حتى ال500 ريال ويرتبون امورهم الماليه انا ماعرف او اتشتت واحيان كثيره اصرف لاغراض

مش مهمه واندم زي الشهر الي فات شريت بلاك بيري ب2600 ريال ....... وماعرف استخدمه ........ طيب ليه شريته

مادري ، وشريت جوال نوكيا ب700 ريال وانا عندي 2 وظل الجديد في الجارج وماله استخدام مدري ليه شريته

وشريت الشهر الي قبله جهاز مولينيكس محضرة طعام الي تجي عصاره وخلاطه وعدتها وعندي اصلآ غيرها 3 ثنتين

منهم بكرتونهم جداد وحده فيهم الي معاها الاكواب شفتها بدعايه بالتلفزيون اظن ب480 قيمتها


وشريت علبه فيها عدة العنايه بالاظافر شفتها بالدعايه ولي الحين جديده ماعرف استخدمها او اني مابيها مادري

شريت ميكروويف وماحب استخدمه لان يبي مكان بالمطبخ وركنته على جمب بالكرتونه شهرين بعدين شافته شغالة

امي قالت تبيه حسيت انها فرجت ولقيت من ياخذه ........ سألت نفسي ليه طيب شاريته ؟

ومن 4 شهور شريت مجموعة اقمشه شيفون فرنسي غالي ورحت الخياط وشكهم بكريستال وطرزهم بدون خياطه ب

1800 ريال 6 قطع ......... ولين اليوم بالخزانه ماعرف كيف اصممهم للخياطه لو رخاص بخيطهم عادي لكن مكلفين ليش

سويتهم مادري .....حتى الشغاله تقولي ماخيطتي القبليين ليه شريتي جديد ؟


مادري بنات انتوا مثلي ؟ ولا انا ماعندي حسن تصرف ؟


ايش الاشياء المهمه الي المفروض نحط الفلوس فيها يابنات وكيف نوزعها


الي تنصحني تعتبر انها صاحبة السؤال وتختار لي من قلب :26: