مب قادرة انام الليل من وجع الضمير

السلام عليكم ورحمة الله وبركاته
أنا مالي في المقدمات رح اقولكم وش أعاني منه
أنا من فترة كنت لاهية بذا الدنيا .. الحمدلله ربي هداني من رمضان الاستغفار والصلاة بوقتها وسورة البقرة .. الحمدلله ربي عطاني راحة كبيرة بفضل منه ورحمة
أعاني من مشكلة ياخواتي غريبة شوي واللي هي جوالي
جوالي كل يوم أسوي له فورمات مستوعبين كلمة كل يوم وباليوم تصير أني افرمته اكثر من مرة أحسه قذر من اللي سويته
والسبب
أني من زمان ايام اللهو اللي كنت فيها في وحدة كنت ابي احمل نفس برامجها وفتحت جوالها بدون علمها وصورت من جوالي شاشة جوالها بس صور البرامج ومشيت صورت كل برامجها من كاميرا جوالي ورجعت جوالها مكانه وماقدرت أقول لها ولا اعلمها ولا أمون عليها أبد
طبعا من بعد ذاك اليوم أنا بحالة وسوسة فضيعة مايعلم بها الا رب العالمين وصار يجيني الشيطان يقول إنتي حملتي قران بجهازك كيف تحملين وان متجسسة على جهاز فلانة ومصورة بدون إذنها والحين حتى وقت صلاتي يوسوس لي
كلامي ملخبط بس حاسة بتأنيب ضمير مو طبيعي أني صورت برامجها بدون علمها .. وصرت احس انها عرفت أني صورت بس ماتبي تقول لي
هل فعلا الواحد يقدر يعرف ان فلان صور شاشته ولا أنا اوسوس ولا ضميري صاحي والله اني تائبة ونادمة وضميري يوجعني والسالفة صار لها وقت
أتمنى الكلمة الطيبة منكم