السلام عليكم ورحمة الله ,
اول مره احط لي موضوع هنا , عادة ارد من وقت للثاني باللي اقدر عليه
وادعي لكم جميعا والله يرزقكم يارب ويفرحكم بالذريه الصالحه المعافاة
بغيت اتكلم عن موضوع مدري اذا بتتقبلونه بصدر رحب والا تزعلون وتاخذكم العزه بالاثم الله يعفو عننا جميعا يارب
انا وانت واختي وامي ووووو كلنا نقع في الذنوب سواء صغيره او كبيره وغالبا ابن آدم يتسسهل هالذنب ويحسه بسيط لان الشيطان يزن على راسه ويقول : انت احسن من غيرك ! فلانه تكلم شباب , علانه تطلع متبرجه , وووو صور كثيره تمر فينا وطبيعي لاننا مجتمع وفيه انماط كثيره ومتنوعه
السؤال اللي بطرحه انت اكيد تدعين ربك وتستغفرين بنية الولد الصالح , طيب طالعي هل تعصينه ؟ وش المعاصي اللي اغلب النساء تقع فيها اتركيها لوجه الله
الغناء , الغيبه < ياكثرها وبالذات اذا صار اجتماعات
البهتان : ومنه عدم حسن الظن << تجيك وحده تقول والله اظن ان فلانه قصدها كذا , او سمعت انها مسويه كذا << الله يحفظها بكيفها خلي الكلام اذا وصلك وقف وكله لله وفي الله
تعاملي مع اهلك , اخوانك , اخواتك , حريم اخوانك , الاطفال , اهل زوجك , اخوات زوجك , حمواتك بما يرضي الله ,
طالعي حجابك : عيونك تطلع , لبسك ملفت للنظر , تحطين مكياج , عطر وتطلعين وانت متعطره وتمشين في السوق او السوبر ماركت ووو
كل وحده تطالع نفسها وش غلطاتها وتحاول تغير نفسها
توبي الى الله
وانا اولكم فيني من العيوب مالله به عليم
ادعو لي بالتيسير والهدايه
