متأخره عن الحمل وكم سؤال في بالي وخاصة بنات الشرقيه حياكم جميعا

مساء الخيرات
انا من زمان متابعه لكم وللمواضيع في هذا القسم ولا انساكم من دعائي
الله يرزقنا الذريه الصالحه يارب ..
وحبيت اشارك وهاذي اول مشاركه لي في هذا القسم وان شاء الله اشوف تجاوب منكم يطمن قلبي.
انا الحمد الله اكرمني ربي ورزقني ببنت وعمرها ست سنوات وصار لي اربع سنوات وانا
ابحث عن الحمل وعلاجات من طبي لا شعبي كل شي تمام الحمد الله بس ضعف تبويض
والحمد الله مع الابر المنشطه استجيب بس مايصير حمل لان زوجي ايضا يعاني من اللزوجه
ومسببه له بطأ في الحركه الحمد الله على كل حال ..
الان فكرت في عملية الانابيب لان العمر يمشي والي عرفته كل ماكان العمر اصغر كانت مضمونه
ان شاء الله اكثر ...
بس ماني عارفه التكلفه كم بتكون واحسن المستشفيات في المنطقه الشرقيه وهل موجود في مستشفى
الولاده والاطفال ويسون العمليه وكيف اروح لهم وهل اجراتهم تطول ياليت وحده مجربه تنورني في هذ الموضوع
لاني بجد محتاره ..
الشي الثاني وياليت تتحملوني لوفكرت اسويها في الاردن كم التكلفه معقوله تكون اقل وكم يحتاج يوم اكون هناك
او التذاكر والمصاريف بتكون نفس السعر لو عملتها هنا ...؟؟؟


الله يسعدكم ياليت تجاوبوني وماتخيبون ظني فيكم وخاصة بنات الشرقيه شفت ماشاء الله تجمعات مناطق ثانيه
وماحصلت تجمع لبنات الشرقيه وياليت احصل تعاونكم في موضوعي والله يرزق كل وحده دخلت موضوعي
واعطتني معلومه تفيدني لان فكري مشتت الله يوفقكم جميعا ..