متأزمة نفسياً مع زوجي .. وش الحل بوضعي؟!

السلام عليكم ورحمة الله
كيفكم ياأحلى حوائيات ..
قصتي طويلة ومعاناتي قديمة وحااحاول اختصر قد ماأقدر..
انا متزوجة وعندي طفلين بالمرحلة الابتدائية وحامل بالشهر السابع
من لما تزوجت وانا في مدينة وزوجي في مدينة
حاولت أنقل عنده بس كان يرفض وحجته انه هو اللي بينقل عندي لأن أهله معي في نفس المدينة ومرت السنوات وحياتنا مشاكل في مشاكل
شك وغيرة وتسلط ...الخ
وكثير مرات ازعل عند اهلي بالشهور..
المهم بالأخير حطيته قدام الامر الواقع وطلبت نقل لعنده من دون مااستشيره وقلت له خلاص رفعت اوراقي..
وقبل مااقدم على هالخطوة استخرت الله كثير وربي يسرها لي ويسر لي نقلي الحمدلله
توقعت انه سبب المشاكل هو البعد وانه لما نجتمع ببيت واحد راح تتغير حياتنا للأفضل
لكن هيهات ..
حصلته مرره مو مستوعب المسئولية اللي لقي نفسه فيها.. يتذمر من طلباتنا ..حتى مراجعاتي للمستشفى يماطل فيها ولا يوديني في الموعد..
يبغى حياته بس اكل ونوم وبس..
وفوق ماهو شين في طبعه وخصاله متسلط في كل شيء
ومو مراعي ظروفي ( معلمة وحامل وماعندي شغالة وبيت وأولاد يبي لهم متابعة بالمدرسة وطبخ يبيه بالبيت / رافض اكل المطاعم ) يعني بالعربي مكروووفة على عيني ومو مقدرني ولا حاسس فيني
تكلمت وطلبت شغالة وكان رده انه مايقدر يطلع تأشيرة لأنه عليه مخالفات سيارة ويقول لي اذا تبغين شغالة سددي المخالفات
وانا حالفة يمين ماأسددها عنه لأنه هذي مو اول مرة عدا انو مستهتر وأغلب مخالفاته تكون عن قصد فمثلاً لما يكون زعلان يمشي بسررررعة فظيعة ويقطع اشارات عشان يوترني ويصيده ساهر
وكذا مرة عمل هالحركة واخرها لما قالت لي الدكتورة انه في بطني بنت والله اني توقعت الموت من شدة سرعته وحسيت اننا لا محالة بنصدم في أي مكان بدل مايحمد الله ..هذا عدا انه عنده ولدين

المهم قبل الإجازة باأسبوع اعطتني الدكتورة راحة أسبوع وطلعنا لأهلي
وصلنا متأخر فطلبت منه نجلس بفندق وهو كان يبغى يوصلني لأهلي ويروح لأهله
وبالقوة وافق .. وجلسنا ليلة في الفندق واليوم الثاني في الظهر وصلني لأهلي
ومن يومها وهو ساحب علي .. اتصل عليه مقفل جواله وأسأل أمه واخواته عنه ويقولون بس نايم في الفراش ومانشوفه ومقفل الغرفة على نفسه
ماياكل معنا وامه مرره مستاءة من وضعه وقالت لي (اذا بيجلس في كل طلعة على هالوضع لاعاد أشوفه بس تعب قلبي)
ولما اتصل علي يتعذر كالعادة انه تعبان ومسخن وكانت اخر مكالمة من تسعة ايام وسحب علي ولاعاد عبر أو سأل عني أو عن أولاده لحد اليوم
وتخيلوا بكرة عندنا دوامات
والمفروض نكون سافرنا من بدري ..
مرره متأزمة وكارهة حياتي وصعبانة عليه نفسي
قبل ماأسافر لأهلي كنت حاطة في بالي تخطيطات وأماني لطلعات وتماشي في هذي الإجازة
لكن للأسف كل الأماني تبخرت ومرت الأيام وأنا وأولادي مقطوطين ولا حتى سألنا وش نحتاج :(
والدوام جاء ولا أتصل ولا سأل .. وأنا احترقت عندي مدرسة وكمان أولادي ومدارسهم ..

أمي تقول اتركيه وطنشيه ولاتتصلين عليه وخلينا نشوف اخرتها معه.. وتقول لو كنتي سنعة خليني اكلمه وأقول له انك تعبانة وبتجلسين هالأسبوع عندنا وهو ياخذ عياله عشان المدرسة واتركيه يجرب المسئولية وحياته بدونك بس صعبانة عليه أولادي


لذا أشيروا علي الله يفرج همومكم .. وش الحل في وضعي