مره تقولين صاحبه السبب
مره تقولين الدكتوره السبب
ياقلبي المشكله بزوجك
لكن اذا انتي قبل كنتي تتعالجي نفسيا هو خايف عليك ماقصده يراقبك
يمكن انتي مره فكرتي تضري نفسك وهو بينتبه لك
عشان كذا كمان الدكتوره نصحته بهالشي
اذا شافك بخير واتطمن عليك اكيد بيشيلها

نصيحه انسي موضوعها واذا الناس سالوا وعندك عيال قولي انا حاطتها عشان عيالي او عشان العامله
ولو ماعندك قولي جبتها زمان والآن مقفله حاطتها كذا بس عادي

دكتورة ايش ؟
ومن ايش كنتي تتعالجين عشان تعطيه هذي التوصيه
وبعيدا عن هذي الاسئله ما تلاحظين انك مره اعطيتي الموضوع اكثر من حجمه الطبيعي
كاميرا تركبت بالبيت ؟ الطبيعي انك تسألين اللي ركبها وتناقشينه وتفهمين منه الموضوع ونقطه نهاية السطر .
كثرة اللت والعجن والتمطيط والتمديد بالسالفه بلا أي هدف ماله أي فايده
والشي الأهم اذا مو مسويه شي ليش خايفه وتهوجسين ؟
نص البشريه يركبون كاميرات في بيوتهم ليش انتي بس اللي عايشه دور المحقق كونان رغم ان الكاميرا وش كبرها واضحه بوجهك وزوجك ناقشك بوجودها يعني مو شي سري
خلاص تجاوزي الموضوع
واذا منزعجه من الكاميرا لا تجلسين بالمكان اللي هي فيه
وضيوفك لا تجلسينهم بمكان الكاميرا
يعني مو معقوله البيت كله فيه كاميرات مثل خالتي قماشه !

يمكن قالت راقبها من باب الخوف عليك
يعني دامها دكتوره معناته انت مريضه وخافت عليك يصير لك شي بسبب هذا المرض.

لكن مستحيل تكون قالته من باب الشك
مليون مره مستحيل!

أما الكميرات مايجوز اصلا يحطها!
انت مايزورك حريم!
كيف تكون عنده!

كميرات البيت الداخليه دايم في جوال
الزوجه!

أنا زيكم مستغربة جيت حطيت موضوع تعبت زيادة واكيد شكيت حتى فنفسي لما شفته حط الكاميرا لكن الغريب أن ناس بعد يشكو فيك امري لله.
ماهو سالفة وش بتسجل يعني حياتك اليومية تكون فتسجيل احس شيء ماهو زين لو تعرض للاختراق يعني وانتشر التسجيل أنا أفكر في البعيد والا في الواقع وش عندي اخفيه الله يعلم ماعندي شيء... هي الدكتورة قالت له يراقبني متأكدة نيتها طيبة أنه يتطمن علي بس هو فهم المراقبة تجسس لان مايقدر يجلس في البيت حط كاميرات .
ومدري صراحة اذا في سبب ثاني ومحد الحين يزورني مضايقن من الكاميرات أنا اتفشل اقولهم عندي حالة نفسية واحتاج احيانا زوجي يتطمن بس ادري ماهو بالطريقة هذي.