متأمله بالله ثم فيكم الخير ... ساعدوني

اولاً أهنئ نفسي لاني صرت وحده من عائلة عالم حواء واتمنى من الله ان استفيد منكم وتستفيدون مني .
وابيكم تساعدوني بمشكلة اختي :
اختي صار لها اربع سنين من تزوجت وما كتب الله لها الحمل وبعد مراجعات قال الدكتور راح نسوي لك تلقيح صناعي وفشلت المحاولتين الأولى والثانية واما الثالثة قدر الله فيها الحمل وحملت وصار لها الحين تقريبا شهرين لكن يوم راحت تسوي سونار قال الدكتور ان الكيس الجنيني مافيه نبض واذا ظل على هالحال الأسبوع الجاي راح نسويلك عملية تنظيف وننزله ...
فاتمنى اللي صار لها مثل اختي او سمعت بحل لهالشي تفيدني علماً ان في وحده قالت لاختي ان الحلبة اذا شربت منقوعها او اكلتها راح تنفع بإذن الله وراح يظهر نبض بالكيس الجنيني ...
جزاكم الله خير ياليت ما تطولون علي بالرد لان حالتها النفسية مره معدومه ومتأمله بالله ثم فيكم الخير