متئ يكون كيد النساء جميل ؟؟😻🌹

ياطويلات 👩العمر بقولكن سالفتي اللي ابي كل الحريم تاخذ منها العظه والعبره اللي لازم تعرفنه ان مافيه رجال 👨له امان لا تقولين يحبني 💏ومريحته الرجال لابغى العرس طلع العذر واعرس لكن انتي ياحرمه يامسكينه كيف تصرفين.!! حرمةً تزعل😭 وتروح لأهلها وتجلس شهر ثم ترجع بكم الف رضاوه بعد الفضايح وبعضهن بدون رضاوه بعد وحرمةً تجلس تبكي 😭وتطلب الطلاق وتشتت نفسها وعيالها بين البيوت ..ربي عطى الرجال حق العرس مانقدر نحكم بشي لكن ربي عطانا الكيد عشان نبرد حرتنا وناخذ حقنا ...انا رزقني ربي ثلاث عيال👦👦👦👸 وبنت ولي 17سنه متزوجه حياتنا مستقره وماشيه وعيالي ربي رازقني صلاحهم وحاطتن زوجي على راسي👑 وهو مقدرني ومحترمني لين جا ذاك اليوم وقالي👨 يأم فلان انا خطبت وأبي رضاك ..ماأخفي عليكن دار راسي من الصدمه ونشلع قلبي💔 ألتزمت الصمت من الصدمه وهو كمل كلامه اللي مااذكر منه غير انه قال ابي عيالي واجد (طبعاً هالسبب مجرد عذر زوجي وعشرةً سنين ودايم يمدح بعيالي ولايحب الأزعاج وكثرت البزران ...لكن الرجال هزه الشووق لمرتن جديده 👰وجلس يدور الأعذار ... قال ابي ردك بعد يومين وطلع من عندي وانا حالتي حاله قفلت بابي وبكيت ولطمت وصارخت😫 وجلست وبعدها هديت وجلست افكر 👿...ولقيت التصرف الصحيح اللي لازم اسويه ويجيكم علمي وش سويت فيه غاب هذاك اليوم عن بيتي وكانت اول مره من زواجي ويوم جاء المغرب من بكره وهو جايني قال ها يأم فلان تراي معزم بس ابي رضاك ماأبي المشاكل ..قلت شروطي اربع وماني زعلانه أن نفذتهن قال أبشري قلت الأول غرفة نومي ماعاد تدخلها ..والثاني مصروفي ومصروف عيالي تحطه بيدي كل شهر وتعبي مونة المطبخ كل شهر ..والثالث تغير غرفة نومي ...والرابع قهوة المغرب كل يوم مع عيالك ..وبس قال تم وهو فرحان 😃شروطي سهله .. مادرى عن كيد الحريم وأن اللي ماأخذته اليوم بأخذه بكره👏 ..تزوج وانا أستعنت بربي ومليت حياتي ..غرفة نومي غيرتها واخذت غرفه ستايلها ناعم لنفر واحد والوانها ابيض وردي وخليتها كيوت على قولتهم ..ألتفت لعمري وصرت أنعم نفسي كل شهر حمام وكوافيرا💇👟 ورياضه ودايم مبتسمه ولامتن عيالي حولي👬 ..هو راح شهر عسل ومن يوم جاء صار كل مغرب يجي يتقهوى مع عياله ..أنا صرت اتفنن كل مغرب بالقهوه☕️🍩 والحلا والفطاير وابخر البيت والبس عيالي. واكشخ وابخر غرفتي واشغل الاضاءه واخلي بابها مفتوح شوي..اذا جاء جبت قهوته ولميت عياله حوله بدون ولاكلمه مني واخذت جوالي وجلست في طرف الغرفه وهذا حالي كل يوم مرت سبع شهور كنت احس بعيونه حنين لي بس ولا همني مشيت بخطتي حملت زوجته وصار لها خمس شهورلاحظته صار يجي ويطول بجلسته ينتظر منا نلزم عليه للعشاء بس انا ساكته ..ونظراته لي كل يوم تزيد ..وكم مره طاحت عيني عليه وهو رايح لدورة المياه. يناظر غرفة نومي ويحاول يكتشفها ( الاضاءه وريحة البخور دوخته اذا مر من جنبها .. جاه ولد 👶وفرح فيه وطلعت الاربعين ومرت ست شهور جاء يوم وجايب هدايا🎁 لعياله وقال خوذوا هداياكم لصاله طلعوا وجاء وجلس جنبي قال طلبتك خلينا من هالقطاعه والله عجزت أصبر لي سنه وأنا ميت على جلستن في بيتك💒 وبين عيالي ونومتن على فراشك👀 (ماتحمل الرجال ..قلت مامنعتك رزقك وانت قطعته بيدك قام وطلع وغاب عنا يومين وجاني واحد من أخواني رايح له أبو عيالي وشاكي له الحال وطالب منه الواسطه ( انا طبعاً طول هالفتره قدام الناس ماتكلمت عنه ولاشكيت ولاسبيت لانه مهما كان أبو عيالي وماسوى حرام كلمني اخوي وترجاني اسامحه وقال والله مادريت انك طاردتن الرجال كذا قلت ياخوي جيتك ع راسي قله تبي اسبوع عشان تفكر (عشان يستوى الرجال صح 👌..جاء هو بعد ثلاث أيام (الظاهر ماقدر يصبر أسبوع دخل علي وأنا أكلم بالجوال وجلس وعيالي بغرفهم سويت نفسي عادي كملت مكالمتي وتعمدت انها طول سكرت وقلت الظاهر انك تبي قهوة المغرب مع ان ماهذا وقتها لحقني وجلسني وقال ياحبيبتي❤️ (ماأنكر دق قلبي اول ماسمعتها لان علمي فيها قبل عرسه وشتقت لسماعها منه لكن بقيت نفسي قويه واثقه ...كمل كلامه ...وش اللي يرضيك ويرجع حياتنا مثل قبل تكفين كان لعشرتنا عندك قدر وأنا حاضر باللي تبين من الريال لخمسين ألف (أشتغل الكيد بعد ...قلت مهري يومني بنت ابيه وكان 45 ألف💴 قال ابشري قلت وعيالي يبون السفر عقب النكد ✈️اللي جاهم قال ابشري قلت ومصروفي يدوم مثل هالحين بيدي (لانه قبل ماكان يعطيني بيدي ... جاب الفلوس وسافرنا اسبوع ونص صرفنا كثرهن وانبسطنا رجعنا لبيتنا 💒وصار يوم عندي ويوم عندها ومشت حياتنا لكن تعلمت درس اني أحب نفسي ❤️وأهتم بهواياتي وأستثمر وقتي بعيالي 👭لأنهم هم كنزي الحقيقي ..وهو له أحترامه وتقديره لكن ماأنسى نفسي عشانه ..الزبده ياحريم لاتهورن وتطلقن عشان المره الثانيه تقدرين تاخذين حقك معها بذكائك أكثر من قبل وبالمقابل ماتخسرين بيتك وعيالك واستقلالك بنفسك ..وأخيراً لاتنشرن قصتي عند الرجال ترا ماكل أمر يخص النسوان تعلمن فيه الرجال وسلامتكن ،،
روعه👌👌👌