مساء الورد على الورد..
مساء الشوق لاهل الذوق..
مساء الحب يا كل الحب
أتمنى أن يكون الجميع بخير وأحسن حال ..
هذا الموضوع سلمكم الله راح أخليه لكل وحدة محتارة في العشاء اللي راح تصلحه ..
يعني كلنا أو الأغلبية منا متعودين إن الغداء عبارة عن رز وسلطة وفاكهة .. تقريبا يعني ..
لكن المشكلة إذا جاء وقت العشاء نحتار وش نصلح .. وش نطبخ ؟
لذلك أرجو أن يكون موضوعي هذا فيه فايدة لي ولكل وحدة تحتار مثلي إذا جت تصلح عشاء ..
أنا راح أبدأ وأكتب لكم بعض الأصناف اللي صلحتها .. وأتمنى اللي ترد بعدي تذكر لنا وش صلحت هي .. طبعا مع عرض الصور .. وذكر الروابط إن كانت ماخذه الموضوع من المنتدى ..
لكن رجاء اللي بترد وتقول : يسلمو .. موضوع حلو .. الله يعطيك العافية .. بدون ما تفيدنا وتكتب أطباقها رجاء رجاء لا ترد حتى تعم الفائدة للجميع
ويالله نبتدي باسم الله :
من أطباقي للعشاء :
1- سلطة لذيذة :
المقادير والطريقة:
خيار / طماط/ ملفوف مقطع صغار
جزر مبشور
مكرونة مسلوقة
تونة
ذرة ( ماكان عندي وماحطيت)
تخلط المقادير مع بعض وتتبل بالصوص اللي هو:
ليمون/ ملح / مايونيز/ شوي كمون
طبعا المقادير على حسب الكمية اللي تحتاجينها ...
2- صينية دجاج بالخضار:
الرابط:
http://forum.hawaaworld.com/showthread.php?t=2287443&highlight=%DF%C8%DF%C8+%E6%E1%ED%D3+%ED%D8%E1%DA+%DF%E6%ED%D3
3- عجة بالفرن:
المقادير والطريقة:
تقطعين بقدونس الكمية اللي تناسبك وحبذا لو قطعتي معه نعناع أو كراث حسب ما تفضلين ..
بعدما تقطعينه تحطينه في زبدية وتخلطين معه طحين ، برضه الكمية اللي تناسبك أنا تقريبا حطيت كاس ..
يخفق في الخلاط /
7بيضات / نصف كاس زيت / نصف كاس حليب / 2 ملعقة بكينج باودر/ ملح / بهارات / كركم /كمون
بعدما تخلط توضع على الزبدية وتخلط مع البقدونس والطحين ..
طبعا يكون الخليط وسط لاخفيف مرة ولا ثقيل إذا احتاج زيادة طحين زيدي ..
وبعدين صبيه في صينية مدهونة بزيت ثم في الفرن حتى يتحمر من أسفل ثم من الأعلى ..
وبس ..
هذا بعض مما عندي وأتمنى إنه أعجبكم .. ونشوف اللي بعدي وش راح تكون أطباقها ..
