متخاصمين !!! ايه العمل؟؟؟

السلام عليكم ورحمة الله و بركاته
انا و زوجي متخاصمين من يومين، يعني نكلم بعض رسمي وفي الشديد القوي:44:
السبب: انه انا واخواتي ال3 وازواجهم اتفقنا على زيارة والدي قبل سفرهم العمرة! وقلت له هذا قبلها بيوم وقال لي مفيش مشكلة! حلو
ولكني افاجأ ان اخته تتصل هذا اليوم وتسأل عن زوجي ان كان نائم ام مستيقظ وتسالني انتم رايحين امتى عند والدتك؟؟ عشان كان في معاد بينها و بين خطيبها انهم يروحوا ياخذوا مقاسات الشقة و انها كانت قالت لزوجي عشان يجي معاهم!!!
ولما قلت له ، قال لي اه معلش نسيت اقول لك. معلش هوصلك ومش هتأخر، وصلني 9.مساءا وعادالساعة 12.30 لما كانوا اخوتي يلملموا حاجاتهم و ماشيين وكله كان قاعد يسأل فين زوجك، كنا عايزين نقعد معاه؟؟ دي مش اول مرة يعمل معي هذا الفصل.
وما يقدر يقول لاحد من اسرته انه مضطر يمشي عشان زوجته منتظراه، المشكلة اني تعصبت عليه ذاك المساء وقعدت اقول له يعني انا اعامل اخواتك كويس و شلتهم فوق راسي لما بيتوا عندنا شهر( و كانوا شاغلين التليفون 12 ساعة/يوم لان الاختين مخطوبتين)، وفي النهاية اتعامل بهذا الاهمال!!
يقول لي يعني كنت هاعمل ايه لو جيت!! كنت هافضل قاعد و خلاص، وكله على هذا المنوال! لما اقول له عايزين نخرج مع بعض، يقول لي انتي مرتبطة بيا ليه ما تخرجي مع صحابك:32:

يمكن ما كان من المفروض اني اقوله موضوع اخواته هذا و لكني كنت اغلي من كثر ما تكرر هذا الموقف:19: وعدم مراعاته لمشاعري و انا عادة اللخبط في الكلام لما اتعصب، فانا اشعر دائما اني في اخر القائمة.
وانا مش قادرة ابدأ بالمصالحة لأني كل مرة انا الي اصالحه ولو كنت على حق!
ولكن في نفس الوقت مش قادرة استحمل هذا البعاد!
انا عارفة انكم هتغلطوني! :44: بس يا ريت تقولوا لي اعمل ايه:06: