مترددة هل ابتعث ام اظل

دراسة في الخارج تحتاج اللغة ,,وحطي في بالك ان القبول يعتمد على التوفل

الدكتوراة تناسب اللي بتدرس في الجامعات السعودية
والجامعات السعودية شرطها الالتزام في مسار التخصص من البكالوريوس للدكتوراة

برايي لا تضيعي وقتك خمس سنوات او سته دكتوراة ولغة واختبارات واخرتها ما تلاقي شي

اصلا تخصصاتك الاثنين الاقتصاد المنزلي وعلم الاجتماع ماهي من التخصصات المتاحة للابتعاث

خليك بديرتك نصيحة اطفال وحمل وبعثة ماينفع

عزيزتي ..

فكرة الوظائف هي ارزاق في كل الاحوال ولاتأسي واطلبي ربك وابحثي في الجمعيات الخيريه والاماكن الكبيره والله يسهل لك ..

اما بالنسبه للبعثه .. اكثر شي يضايقني اذا قابلت بنات عاشوا الغربه وتعلموا وكسبوا ماكسبوا من البعثه وفي الاخير يعتقدون انهم اذا مالقيوا وظيفه فمعناه تعبهم راح ع الفاضي ..
البعثه رحلة علم في نظري نتعلم من كل ثانيه فيها نرجع منها اشخاص مختلفين يحملون تجربه ثريه علمت فيهم اشياء مميزه وصقلت شخصيتهم وجعلت تفكيرهم اكبر من مجرد تفكير سطحي للامور .. البعثه علمتنا القوه والصبر والعلم والشجاعه والاعتماد على النفس والاقدام والتاكد باننا اشخاص قادرين على فعل كل شي جميل مفيد نتمناه ..

عزيزتي .. لااحب النظره السلبيه للامور والحكم على التجربه من زوايه واحده .. صديقتك اللي نصحتك بصعوبة الدراسه تتكلم من خلال تجربة زوجها الذي يعيش مع عائله وزوجه تخدمه وتوفر له وسائل الراحه في كل وقت لتسهل له الدراسه وفي الاخير يتشكى من صعوبة الدراسه .. الناس قدرات وانتي اعرف بنفسك وباجتهادك واذا انتي تطمحين في البعثه وانتي انسانه مجتهده فاقدمي وتوكلي على ربك واعلمي انك قويه وقادره على تحقيق كل هدف وحلم غيرك حصل عليه لانك ببساطه لست اقل منهم ابدا .. واعلمي انك ستمرين بظروف تتعبك وخاصه وانك ام لطفلين وزوجه ولكنها ستقويك اكثر في المقابل وستكسبك اللغه في الاول وبعدها الدكتواره واضافه لها الخبره ستتعلمين في هذه الفتره تجارب واشياء جديده ستفيدك كثيرا في حياتك ..

اما بالنسبه للتخصص فامتداد التخصص هو فعلا شرط للجامعات لكن مابيكون عائق لك لو ربي وفقك وكتب لك رزق وممكن اذا مالقيتي في الجامعات الحكوميه ممكن تلقين في الاهليه او حتى اي مجال اخر ..
اسنخيري واذا اقدمتي فلا تنسي ان تنوي بذلك العلم والاجر وتحتسبي الاجر في كل ماسيواجهك في حياتك القادمه من متاعب ..

اسال ربي ان ييسر لنا ولك كل صعب ويعيننا بحوله وقوته ..

بالتووفيق ..

أختي العزيزة حاولي تحصلي وظيفه هنا

درجة اللغة لمرحلة الدكتوراه جداً عاليه

أشوف انك يا أختي اذا حابه تدرسي ماجستير فتخصص البكالوريوس أفضل

درجة اللغة للدراسات العليا تعيق الكثير كم مبتعث ومبتعثه أنهيت بعثتهم لان ما اجتازوا شرط اللغة