لم أتجاوز العشرون عاماً من عمري
تقدم لخطبتي شاب يكبرني بأشهر ومن أسرة محافظة جداً ويشهد لهم بالصلاح
بعد تردد مني وافقت .. وتقدم لخطبتي رسمياً
(شفته وشافني وأعطاني مقدم المهر)
وقريب ان شاء الله راح أعمل الفحص والملكة بعدها
لكن الزواج راح يكون بعد فترة
أنا حالياً مترددة ولا أود أن أضع والدي ووالدتي في موقف محرج معهم
كون أني وافقت مبدئياً ووافقت بعد ما شفته = (
أشياء كثير خلتني أتردد
أولها أني راح أكون بعيدة عن أهلي
وعمره نفس عمري
وأسرته ناس مره محافظين عكسي أنا وأهلي
أهله متعلقين فيه مره .. أحسهم ماسكينه لدرجة أنه من بيته للجامعة بس
وما يعرف لا تلفزيون ولا نت ولا غيره
مو زيي أنا
كنت أتمنى انسان منفتح وأكبر مني
متحرر من قيود الأهل
ما صارحت والدتي ولا أبغى أصدمها برفضي
والله اني أتمنى ما يصير تطابق بالفحص ويحلها ربي من عنده
شوروا علي
الله يكتب اللي فيه الخير