متردده بموضوع زواجي

السلام عليكم ورحمة الله وبركاتة
اخواتي في الله لدي مشكلة ارشدوني ابغى نصيحة اخت لي والله يجزاكم الجنه
بقولكم سالفتي انا عمري 28 سنة توظفت قبل سنة انخطبت لصاحب اخوي حضرمي
وانا قبيلية يوم خطبني صراحة في البداية سالنا عن شغله بس لكن هو لم نسال لانه صاحب اخوي ويقول اعرفه
كان يشتغل بشركة للنقل وعنده سيارة اجره
تم كتب الكتاب يوم حجزنا للقاعة لحفل الملكة رفض بشده مايبغى وكنسلت الحجز واخذت العربون
صارت 3 مشاكل اول مشكلة لمن اسولف معاه القى كلام مناقض عن اللي يقول اخوي عنه
وثاني مشكلة عشان عمته طبعا ماعنده ام واب ماتوا الله يرحمهم ماعنده غير عمته اخت ابوه هي ربته لكن يوم ماخطب جاب حرمة اخوه الكبير وخالته زوجة ابوه
يوم ملكة اخوي عزمنا عمته واصرينا تحضر عشان نتعرف يوم الملكة صارت تسبه وتقول لو انا يجي واحد يخطب من غير امه اطرده طردت الكلاب
وتقول لامي راح يصير شي بالزواج تتفاجئ منه وتحلف وتقول لامي لا تقولي لاحد
وبلغت خطيبي عن كلامها مو مصدقني وقلت له لا تحضر زواجي هي وبناتها وسالنا وحده بالحارة حقتهم تعرف عمته المهم سبتها وقالت وسخه وحقة مشاكل اطردوها
ثالث مشكلة عشان الكروت والمشاركة بالحفل يقول عندهم عادة المشاركة بالزواج ويبغى يكتب بالكرت اسماء الداعيين هو واخوانه بس اذا
ماشاركناه
يوم ماكنسلنا حفل الملكة يقول تشاركوني قلنا له لا مرتين ورجع يعيد سالفة المشاركة 3 مرات انا هنا بلغت اهلي بكلامه وصارت المشكلة ان اخرج اسرارنا
لاهلي وعصبوا امي واخوي عليه واخوي ارسل له رساله ان احنا مانشرفك ماتبغى تكتب اسمنا وان بنتنا ماهي ناقصه ومن هذا الكلام
بالرغم اني دافعه 8000 ريال جايبه دي جيه ومصورة وتصوير وشريط زفة وكمان عارضات وتوزريعات
بعدها بيوم اجتمع اخوي وابوي ببت اخوه الكبير
واتفقوا على كتابة اسمنا بالكروت وان عمته ماتدخل البيت الا بوجوده وما يخرج الا بخروجها من البيت المهم
دخلنا رمضان في اول اسبوع بدا يرسلي على الواتس هل انتي مرتاحه معايا ؟
واليوم الثاني لازال يسال ويطلب مني اصلي استخارة ويقولي المشاكل اللي صارت سببت فجوة بيني وبينك وعمتي مسببه لكم مشاكل
واحنا زواجنا بخامس العيد ودبشي كلفني فوق 20 الف وعربنت خلق الله وبلغنا اقاربي وشريت ذهب وزدت عليه
ويقولي استخري انا وقتها معصبة ومنهاره ومصدومه (وارسلت له ياولد الناس اذا ماتبغاني مع السلامة لا انت اول واحد ولا انت اخر واحد وقلت
ياكثر الخطاب في زواجتنا يحسببوني ماانخطبت لان ماسويت حفل ملكة
سويتها حفل كتب الكتاب لوحدنا اهلي وهو بس) وبعدها كتبت جوالي ابوي مفتوح بلغه
لمن دق ابوي قال له زي مادخلنا بالمعروف نخرج بالمعروف
وطبعا كنسلت الحجوز وبلغنا اقربنا بان مافي زواج وقلنا عنده مرض وراثي اسمه منغولي
ايجابيات هذا الرجال /انه طيبوب وعلى نياته ويصلي بالمسجد وعلامة السجده بجبهته والناس تمدحه جارته واصحابه واذا غلط علي يتاسف علطول
سلبيات هذا الرجال / طوع لعمته باي شي تقوله و غامض وسوالفنا كلها بالواتس مايتصل ملكت من شهر 4 كلمني 4 او 5 مرات بس بالجوال اكثر السوالف بالواتس
ماهو صريح وواضح عندهم مرض منغولي
ماهو عاجبه جسمي بالرغم ان وزني 68 وطولي 158
ودايم يسالني نقص وزنك
والحين ابوي بيحاول يكلم اخوه يصلح مابيننا لان ابوي معجب فيه ويحترم ابوي ومن عرفت ارسلت له رسالة على الواتس تاسفت وبينت له اني انصدمت وانهرت يوم ارسلت هذي الرسالة
(وارسلت له ياولد الناس اذا ماتبغاني مع السلامة لا انت اول واحد ولا انت اخر واحد وقلت
ياكثر الخطاب في زواجتنا يحسببوني ماانخطبت لان ماسويت حفل ملكة
سويتها حفل كتب الكتاب لوحدنا اهلي وهو بس)
وقلت له ماراح اطلع مشاكلنا لاي احد من اهلي وبالنسبة لعمتك حياها الله باي وقت بوجودك او بغيابك وقلت اذا رفضت اعتبرني ماارسلت
رد قال اعتذارك على راسي ولكن اللي انكسر ماراح يتصلح وادعوا لك بهذي الايام الفضيلة ان الله يسخر لك اللي احسن مني
وللعلم صليت الاستخاره اكثر من 10 مرات قبل الخطبة وكل ماصارات مشكلة استخر واشتاق له حيل
سؤالي هل انا اخطات عليه ؟
هل تعتبر مشاكلنا اسرار لمن طلب المشاركة اضطريت اقول لاهلي هل بيساعدونه ولالا؟ وهو اعتبرها اسرار
هل اكلمه على جواله واطلب نتفاهم ونصلح الوضع لان رسالته الاخيره بان اللي انكسر ماراح يتصلح خلتني مترددده كثير بالاتصال؟
هل فيها اهانه لي بالاتصال؟
ارشدوني جزاكم الله كل خير.....