متردده من الحمل لثاني مره 💔💔🥺🥺

السلام عليكم حبيباتي..
انا متزوجه من ثمان سنوات ولله الحمد وعندي ولد ربي يحفظه عمره سبع سنوات الآن أولى ابتدائي، المشكله ي أمهات إني مرعوبه من فكرة الحمل للمره الثانيه رعب مو طبيعي.. أمي وأم زوجي وصديقاتي وكل اللي حواليني جننوني من سالفة الطفل الثاني انتي تأخرتي وانتي تأخرتي!!! علماً أنو عمري حالياً خمسة وعشرين سنه، مشكلتي هي إني بولدي الأول ماربيته أنا كان مع أمي المن ما كمل من عمره ثلاث سنوات لأني كنت ادرس جامعه وماكنت اقدر اخليه عندي كنت اشوفه بس وقت الاجازه الاسبوعيه وصدقوني كنت تعبانه نفسياً لأني أبغاه بس وقتها كنت ادرس قسم صعب ولازم أنجح بمعدل كويس والحمد لله تخرجت وأخذت ولدي عندي وعوضته عن الايام اللي فاتت، والآن يا بنات عندي رعب كبير اقول لنفسي انا ما اعرف للتربيه ولا اقدر اصحى فنص الليل لنونو ولا اهتم زي بقية الأمهات!! ولدي ما شاء الله كبر صار رجال ربي يحفظه وماعاد يطفشني بالعكس صار كأنه اخوي، بس الكل يقول لي بتندمين لازم تخلفين اثنين او ثلاثه.. بالنسبه لزوجي مايدور على الأطفال يقول بكيفك لانه ببساطه اخس مني يخاف من المسؤوليه، تكفون قولوا لي كيف اتشجع كيف اتقبل الفكره ⁉️⁉️⁉️⁉️⁉️⁉️⁉️⁉️⁉️⁉️⁉️⁉️⁉️
اوقات اقول لنفسي اصبري المن الثلاثين وبعدها جيبي توأم.. وبعدها اقول ايش الفايده نفس النكد والتعب واسوء 😭😭
احيانا اقول لنفسي انا احتاج طبيب نفسي عشان اتقبل فكرة الحمل والتربيه 😂💔