متردده وخايفه ...!!

مرحبا حوائيات

بدخل بالموضوع على طول والله يجزاها الجنه اللي تدخل وترد على موضوعي

انا حملت ودورتي كانت ملخبطه لأني كنت ارضع وحللت ب 7 شوال وطلع سلبي وبعدها عدت التحليل ب18 شوال وطلع ايجابي ببداية شهر 11 تقريباً تاريخ 10/11 رحت الدكتوره بتطمن والت لي اني بالاسبوع السادس وقالت تقريباً ولادتك ب10/7

المهم بنهاية السادس وكنت اراجع بمستشفى غير الاول طبعاً اخذت اشعه صوتيه وقالت لي حسب مقاسات الجنين انتي كل يوم 24 تخلصين شهر وتدخلين اللي بعده قلت لها مستحيل لاني متاكده لو فيه حمل صار برمضان فهو من 29 ووبعده مااقتنعت

مو هنا المشكله المشكله انه طلع معي سكر حمل واضطريت اني اخذ انسولين مع انه مو عالي مره تقريباً 170 وبعد الفطور والصايم كان طبيعي بس لانه مااكتشفوه الا ببداية السابع قالت لي دكتورة السكر مافيه وقت نجرب الحميه واخذت الانسولين بكميه بسيطه والحمدلله انتظم معي وبالعكس صارت دكتورة السكر تهزأني تقول ان استمريتي كذا بيتحول لانخفاض

الحين دكتورتي قالت لازم اولدك بنص التاسع بطلق صناعي مع انه باخر زياره قالت كل شي تمااام ومافيه اي مشاكل وكل شي طبيعي قلت لها ابي انتظر يجيني طلق طبيعي دام السكر منتظم وكل شي كويس ورفضت وانا قدام مشكلتين
الاولى اني ماابي الطلق الصناعي وابي انتظر فرج ربنا

والثانيه انها بتحسب لي نص التاسع على حسب الاشعه اللي عندها والمعروف ان الاشعه بالاشهر الاولى اضمن

يعني بيكون فرق 16 يوم وبكذا لو كان التاسع فعلاً يدخل ب10/6 معناها بتولدني اول يوم فيه على حسابها هي

ادري حساباتي مخربطه بس هذا وضعي وماادري وش اعتمد عليه

وثاني شي اللي اتمناها اي وحده كان معها سكر واخذت انسولين وولدت بنهاية التاسع من غير تحريض او طلق صناعي تطمني وتقولي

من جد محتاااره وضايقه فيني

والله يسعدها دنيا واخره اللي ترد وتعطيني رآيها