متردد حتى فوات الاوان...!

السلام عليكم اخواتي الغاليات ...
انا عندي مشكله مع زوجي ومحتاجه رأي سديد لأني تعبت ...
زوجي متردد جدا في كل شيء...:(
وتردده هذا يضيع علينا فرص كثيره ...مثلا اذا بغينا نشتري دولاب او سجاده او اي شيء للبيت ...لازم نلف كل المحلات واذا لقينا شيء مناسب مانشتريه !!لازم نرجع نلف مره ثانيه وثالثه المحلات اللي شوفنها اول مره ... ونروح لنفس المحل اقل شيء ثلاث مرات !!ممكن نجلس شهرين عشان نشتري دولاب عادي!!
كل زملائه عندهم بيوت ملك واراضي واحنا لازلنا في شقه بسيطه وصغيره مع ان امكانياته الماديه تسمح !وانا انسانه موفره !
تخيلوا لنا 5 سنوات نبي نشتري ارض والى الان ولاشيئ!!!
الاراضي اللي كان متردد فيها زاد سعرها 3 مرات وهو بس يتفرج ويتحسر:frown: ا
واذا ناقشته يقول لي الله كريم...ان شاء الله يجيب لنا رزقنا لعندنا:dozey: اأنا عارفه ان الله تعالى بيده كل شيء ....لكن مو منطق اني اجلس وانتظر احد يجيب لي بيت او يقدم لي ارض او استثمار.... ربي يبينا نسعى في طلب الرزق ....
متردد في كل شيء حتى الاكل اللي ياكله يخليني اختاره !!ملابسه اختار يوميا ايش يلبس!واذا رفضت اختار ياخذ وقت طويل لين يحدد شيء ! ويجلس يعيد في اللبس القديم كذا مرره ....
انا تحملت تردده في كل شيء وتأجيله لاشياء مهمه كثيره ...لكن عندي بنات ابيه يضمن مستقبلهم ويأمن لنا بيت ننستر فيه ...العمر يجري وكل شيء يزيد سعره

ايش تنصحوني فيه !!