متزاعله مع زوجي .. ساعدوني تكفون

هلا بنات
السلام عليكم ..
شلونكم؟؟؟؟


بنات .. محتاجتكم تكفون ساعدوني:(

تخيلوا نفسكم محلي و قولولي وش الحل!! وش لازم اسوي....

تحملوني شوي و تكفون ركزوا معي...

زوجي اولا من النوع اللي ما يحب ينام بغير محله... فندق ممكن بس مو عند احد... و لايحب الجمعات الاهليه او غير الاهليه .. ما يستانس الا عند ربع معينييين... مع ان الجلسه معاه روعه و ماتنمل و يونس ويضحك و عنده اخبار الدنيا.. بشهادة الكل.... لكنه مثل ماقلت مايرتاح الا في بيتنا؟؟ و مع اصدقاء معينين مستعد يقابلهم 24سااااعه

المهم.. عطيتكم فكره عن زوجي

هو الله يسلمه و يخليه لي كان مواعدني هالويك اند بما انه يصادف يوم ميلادي و عنده اجازه اننا نروح لدوله خليجيه نغير جو كم يوم.. بس ما لقى حجوزات ابداااا... و انا مازعلت ابد بالعكس حبيته و تشكرت منه و قلت يكفي شعورك... بعدين قال لي خلاص نروح اجل ننام عند اهلك... اهلي بالبحرين... قلت حلو :oوهو يعرف ان هالشي يونسني.. قال نروح من الاربعاء الصباح الى الجمعه... لكن طلعت لنا عزيمه يوم الاربعاء بالليل على العشاء لي و له ...:44: ضاق صدري مرررره.. قال لي و لايهمك نروح العزيمه بعدين نروح بيت اهلك بنفس الليله .. انبسطت :42:

لكنه كان كل شوي يقول لي.. ها وش رايك نخليها بس الخميس.. و يتحجج لي كل شوي بحجه ماتدخل العقل!!!!!! و انا بصراحه اعترف مثل البزر الا نروح الاربعاء بالليل مثل ما وعدتني.. او اقول له من غير نفس.. خلاص على كيفك اللي يريحك...

طلعنا من العزيمه الساعه10:45 و كانت الشنطه بالسياره مجهزينها.. قال لي ها فلانه نرجع بيتنا و بكرى من الصبح نروح للبحرين.. قلت لا الحين .. قال و الله تعبان.. المهم .. طبعا قعد هو يحاول فيني و انا من غير نفس اقول له اف خلاص خل نروح بيتنا حنا نبي نروح نستانس اذا ماودك خلاص مافيه فايده.. قام وضحكككككككك و قال كنت بس امزح ابي اطفرك!!!!!!!

يوم وصلنا الجسر الا زحمممه... بدت المحاضره و شفتي لمه اقولك خل نروح البيت و انتي متى تكبرين .. صحيح انك صغيره.. و لين متى هالدلع.. انا ما اعرف ادلع و كلمات تجرح و انا اصيح و يقول لي ليش الصياح وهو يكلمني بهواش:44:

اخرتها قال لي بنزلك عند اهلك و اجي آخذك الجمعه.. قلت له لأ برجع معك .. قال اقعدي عقااااااااااااااااااااااااااب:44: تخيلوا .. ماصار لنا الا اشهر و هذا اللي يصير

ما نزلني على طول رحنا السنما..قال دام وصلنا خل نروح السنما..بس لا تستانسين !! بنشوف فلم و اوديك عن اهلك وش رايكم بهالكلام!!


و فعلا نزلني عند اهلي و على كلامه بكرى بياخذني

بنات .. قولو لي وش اسوي !! تكفوون بمووووووووووووووت