هلا غادة
بالنسبة للطبخ
انا يعني كسولة في الطبخ
وخبرتي بس في الحلويات غير المعقدة
وجربت اطبخ اللازانيا والمحشي
غير لااااااااااا ما عندي خبرة لا في الاكلات الخليجية ولا المكسيكية
يعني اختج توها في مجال الطبخ:(
.,.,.,.,.,.,.,

ساعة الصفر
معقول ساكنة في بيت بروحج ومب حاسة!!!
معقول هالمشكلة تمتد حتى للي عندها بيت خاص فيها!!!
ساعة الصفر هذه دعوة مني لج عشان ننضم ونسوي مجموعة خاصة فينا تحاول تتحمل المسؤولية وتتعلم شغل البيت عدل مدل:)

دلوعة الغالي
كيفك وكيف الامور صايره معاك
كيف زوجه وربة بيت ما تعرف تطبخ
لازم تتعلمين واذا تريدين تتعلمين بالفعل
روحي قسم السندويتشات هناك اطباق خفيفه وسهلة التحضير
لازم تخلينه يطعم طبيخك
زلا تنسين أن اقرب طريق لقلب الرجل معدته ههههههههه

اما اسمي معناه في نهاية توقيعي
والله يوفقك ويسعد أيامك

مرحبا دلوعه ..

عزيزتي انت ليه ما تتعلمين عند اهلك ؟

يعني اذا بغيتي تسوين شي سويه في البدايه عند اهلك وبعدين سويه عند اهل زوجك .
بحيث لو ما ضبط معك من أول مره ما تتفشلين .

ولازم تعرفين ان الانسان مايولد متعلم .. وانت بارادتك وعزيمتك تسوين المستحيلالالالالالالالالات ..

وحاولي تحسنين نفسك في الطبخ .. لأنه سبحان الله يرفع المعنويات .. وتنبني ثقتك بنفسك << لاتضحكين علي لكن هذا الواقع .

وأنا راح أبدا معك ان شاء الله خطوه بخطوه الين تصيرين ست بيت اد الدنيــا :cook:

ها مستعده ؟

السلام عليكم ..

عزيزتي الزوج اذا حب زوجته مستحيل يتخلى عنها عشان توفر له اللي ينظف بيته ويجهز أكله .. مستحيل !

بين الزوجين مشاعر أقوى وأسمى من أنها تزال بمجرد خطأ أحدهما .. وبالذات اذا هو ماحس باللي انت تحسين فيه .. بمعنى لا تقولين لزوجك اني ماني قد المسؤوليه أو اي شي من هالقبيل ..

وبعدين عيوني المسؤوليه ماتقتصر على تجهيز الملابس أو تحضير الفطور .. المسؤوليه في تربية العيال .. في توجيب أهله واكرامهم .. في اكرام ضيوف زوجك .. وفي اكرامك لنفسك قبل كل شي بثقتك فيها ..

وثقتك في نفسك لابد أنها تكون مبنيه على أسس سليمه ..

حاولي تتعلمين وتعززين ثقافتك في كل شي .. لاتمر ورقه من تحت يدك الا وانت قاريتها وفاهمتها .. اعرضي افكارك على زوجك .. خليه يحس فيك ..

اعرفي زوجك ايش يحب .. اذا يحب السياسه والأخبار .. خلي عندك خلفيه ولوبسيطه عن السياسه .. بحيث لومر عليكم خبر جديد يكون عندك خلفييه وتستعرضين عنده :33:

الاحساس بالمسؤوليه احساس ينبع من داخلك .. من ذاتك .. من حبك للي حولك ..
صدقيني محد بيعلمك المسؤوليه .. هذا احساس انت تكتشفينه بنفسك .. هذي غريزه في نفس كل انثى .. احنا بنعلمك اسباب المسؤوليه .. والباقي عليك انت لحالك :27:


وبالنسبه للطبخ ياليت يكون التواصل عن طريق الخاص .. بحيث ما نضيع الموضوع .

ترى اختكم اللي هي انا يامحاكيتكم لازلت في طور التعلم ..
وخبرتي في الحياة قليله لكني أحاول اني اساعد باللي أقدر عليه ..

تحياتي ,,