متزوجة بالاسم

انا احس نفسي متزوجة بالاسم فقط ، قبل حياتي يعني نوعا ما مستقره بالرغم المشاكل بس ع الاقل كان فيه شوية احساس ، بعد ما طلعت بعثه وزوجي مرافق ، حسيت زوجي قلب 180 درجة وخصوصا الفتره الاخيره
متخيليين احنا والله مو مثل باقي المتزوجين صار كل اللي يربطنا ولد واننا ننام بنفس البيت فقط ، محد يدري عن الثاني وش فيه ووش محتاج ، كل واحد وعالمه الخاص ، مافي بيننا اي كلام حتى كلام عادي واذا اتكلمنا صار هواش وكلن يغلط ع الثاني انا اتحملت انو جاف معايه وقلت مو مشكله براحته ، بس اللي ماقدرت اتحمله انو يغلط علي بالكلام وقلل مني بسبب وبدون سبب يتلفظ علي وربي حتى لو اسأل سؤال عادي ما كأني سألت احسبني قتلت له قريب ، مرات اكون طالعه من المحاضره وانسى جوالي صامت واكون في طريقي عشان اروح له اذا وصلت السياره يسحب الجوال مني ويطشه فوجهي ويسمعني كلام ماينقال ،،، انا كرهته وكرهت تعامله معاي ،،، صرت ما اكلمه الا اذا اضطريت وطول وقتي ساكته وعايشه مع نفسي وهو نفس الشي مايفتقدني ولا يسأل عني ،،، احيانا اذا كنت ف الجامعه اشوف صديقتي بين المحاضرات زوجها يتصل يطمن عليها ويدعون لبعض بالتوفيق احس انهم متزوجين وبينهم انسجام الله يبارك لهم احزن على نفسي
انا صبرت ع زوجي بس حاليا ماصرت اسكتله لاني احس انو مره اتجاوز حدوده معايا ... آخر شي طلبت منه يعطيني مصروف من راتبي ومو راضي .. راتبي كله تحت يده والله العظيم مايدخلني شي منه غير الموجود بالبيت وهو يطلع مع اصحابه ويجيب اللي خاطره فيه
قلتله يعطيني ع الاقل جزء كمصروف لي ومو راضي يقول اذا تبغين شي انا اوديك السوق لانو عارف اني انشغل بالدوام وما اقدر اروح الاسواق وهو يصرفه ع كيفه ومثل ما يبغى ...
هو طيب بس مدري وش اللي غيره ... انا ودي ارجع بيت اهلي بس اخاف اندم .. والا اصبر واطنشه بس انا برضو لي مشاعر واحسايس ابغى احس بالسكن والموده ابغى احس ان الزواج موده ومشاركة مو انانيه وحب نفس محتاره صار البيت متكهرب حتى ولدي ماسلم منه احس كانه ينتقم مني فيه هذا غير الكفوف اللي تجيه ع الخد واللعن والسب وهو عمره بس 3 سنوات افكر بولدي كيف راح يعيش في بيئه زي كذا لانو اذا عصب والله العظيم يتصرف زي احد يتعاطى زوجي ماكان كذا ،، لكن حسبي الله ونعم الوكيل انا ماعمري دعيت عليه لكن من الظلم اللي والتسلط اللي صرت اشوفه ماقدر امسك لساني عنه
بإختصار حياتي اصبحت لاتطاق