Gمتزوجه تبغين تكشخين ومالك خلق تعالي
--------------------------------------------------------------------------------
بنات الحل هو ............. (( بالتعـــود ))
تعودي
تعودي تتسبحين كل يوم وتتعطرين من هالروايح الحلوه اللي على فاكهه واللي على زهور والاشياء اللي تعجبك وتعجب زوجك
تعودي تغيرين من شكل شعرك مره خليه كيرلي ومره استشوريه بالبيت ومره لميه كله ومره رفعي نصه وتعودي تلبسين اكسسوارات حلوه وبسيطه حق البيت
تعودي اهم شي هالنقطه تعودي يكون جسمك نظيف وشيلي الشعر دايما ولاتخلين الشعر ينمو في الاماكن الغير مرغوبه ....
تعودي وهذي ثاني اهم نقطه انك كل يوم تحطين كريم للجسم قبل النوم ترى نعومة الجسم اهي اللي يدورونها الرجاجيل دوااااره ولو كنتي كاشخه من راسك حتى اخمص قدميك بس جسمك ناشف وخشن صدقيني الرجال بينفر منك
تعودي بين فتره والثانيه تحطين مكياج حلووناعم حق البيت واهتمي ببشرتك وشربي ماي كثير تعودي على شرب الماي حتى تروي بشرتك وتعودي تحطين كريمات مرطبه
تعودي تستميلين زوجك بالروايح المحببه مثل دهن العود والطيب والبخور وبخري الغرفه والصاله وحطي باقة ورد بين فتره والثانيه فيغرفة النوم تعطي انطباع وتغيير كبير ومؤثر جدا جدا
لا تعوديين
لا تعودين نفسك تقعدين قدام زوجك بجلابيه حتى لو الجلابيه عجبت امك ولا خالتك .... لان بكل بساطه هذا زوجك مو خالتك ولا امك
لا تعودين نفسك تقعدين قدام زوجك وريحتك طباخ او شمس (وهي الريحه اللي تلزق فيك لمن تطلعين بالشمس بعز القايله؟) لان حتى لوزوجك ما يقولك صدقيني اهو متضايق من هالريحه
لا تعودين نفسك على تسريحه وحده بالبيت على اساس انها مريحتك وتخلين زوجك يشوفك كل يوم بنفس البكله وبنفس الشباصه وبنفس صفة التسريحه على القصه
لا تعودين نفسك (حتى لو بعد فترة زواج طويله) انك تخلين زوجك يتعود على منظرك وانتي لافه راسك بالحنه ولا بحمام زيت ولا بملابس مو حلوه (خلاقين) على اساس قاعده تنظفين ولا رايحه الصالون !...
لا تعودين نفسك على ترك الشعر ينمو في الاماكن الغير مرغوبه وخاصة الوجه يجب ان تعودين زوجك يشوف وجهك دايم حلو ونظيف ياشين المره لي صارت اهي وزوجها سيم سيم ماكو فرق
والله بنات صدقوني الكلام سهل بس الفعل اهو اللي نستصعبه .. ابدي من هالفتره من اليوم من الحين
ابدي بشي سهل وبسيط مثل التدهن كل يوم بالليل او تبخير الدار لمن تتعودين عليه وتصير عاده حلوه ما تقدرين تستغنين عنهاابدي بشي ثاني وهكذا
الغرض
انك تخلين زوجك يشتاقلك ويشتاق حق بيته وماتعطينه اي فرصه انه يقولك غيرك احلى ولا اسنع منك وراح تعودينه اهو بعدما يطالع مني ولا مناك ولا يفكر يقارنك بغيرك
نقطه مهمه
عودي
نفسك على النظافه والسناعه والترتيب ترى الكشخه مو بالمكياج ولا التشخلع ولااللمعات ولا قمصان النوم الفنتق ... واذا انتي عودتي نفسك على هالاشياء راح تصيرعندك شي عادي روتين يومي عادات محببه لزوجك والاهم محببه لنفسك ماتقدرين تستغنين عنها وشوي شوي راح تحبين نفسك على نمط الحياة البسيط الجديد هذا .. وحتى لو زوجك مسافر ولا مو موجود صدقيني بتحبين انتي ..... تكشخين .... حق نفسك
__________________ __________________
عضوه عالم حواء @aadoh_aaalm_hoaaa
محررة ذهبية
يلزم عليك تسجيل الدخول أولًا لكتابة تعليق.
عطاءمثمر
•
ماشاء الله كلامك عين العقل لكن وين اللي يطبق الله يسعدك على النصائح الحلوة وجعلها في ميزان حسناتك
الطبع غلب التطب بس انا من رايى ان الى يحب زوجته يحبها بكل الاوضاع والحالات والى مايحبها لو تلبس ذهب من راسها لسا سها ولا راح يشوفه لو بنص عينه ولا كان ماقالو الامثال المعروفه <<
الحظ لشلقاء والبلقاء
ماهى على الزين ابد ولا البس والتكشخ ولا كان رجلى اول الناس الى يموت فينى والله ولا يطالعنى ابد وانا مثله الى مايشوفنى بعيونه ماشوفه ولا بنص عين وحده بوحده
ماكنى طلعت من الموززوع ههههههههههههههه
الحظ لشلقاء والبلقاء
ماهى على الزين ابد ولا البس والتكشخ ولا كان رجلى اول الناس الى يموت فينى والله ولا يطالعنى ابد وانا مثله الى مايشوفنى بعيونه ماشوفه ولا بنص عين وحده بوحده
ماكنى طلعت من الموززوع ههههههههههههههه
كلامك صحيح اهم شى انو الوحده تهتم بنفسها علشان نفسها اولا
وعلشان زوجها وهذا يحسسها بثقتها في نفسها
يسلمو على الموضوع الحلو
وعلشان زوجها وهذا يحسسها بثقتها في نفسها
يسلمو على الموضوع الحلو
الصفحة الأخيرة
و يمكن نمل يوم او ثنين بس بنرجع لعادتنا
حتى بناتنا يبي لنا نعودهم على الزين والسنع والتعطر والتدهن من صغرتهم
ربي يعطيك العافية