لا والله ماهو بصحيح خذيها مني البيت مايجيب غير الوسواس والكرف طول الوقت اقله الموظفه عملها وقت بسيط وتجي تريح خاصه لو كان عندها شغاله تشرف عليها وتقوم بمهام البيت ام لو استقلتي صدقيني بتندمين طول عمرك على تفريطك الوظيفه استقلال من مجميعه ويكفي ماشاءالله خرجتها كل يوم وتغيرها عن البيت وجوه وكل ماكبرتي تصبحي في حاجتها اكثر تكون هيا تنفيسك وراحتك.

انا موناقصني شي بس من يوم عندي دخلي الخاص استقليت مثلا اول فيزة زوجي الحين فيزتي
عندي شي التهي فيه بدل الفضاوه
ولاالبيت والخدامه موجودين من زمان

انا اطمح يكون عندي مشروع خاص اشغل نفسي فيه
يعني لو خيروني بينهم
اختار المشروع لانه شغفي

انا موظفة في مستشفى و دوامي لين ٤ العصر و كان عندي بنت و لما جبت الثانية تركت الوظيفة وربي اني ندمت لاني ما احب جلسة البيت ابد و لاني فقدت اشياء كنت اسويها و انا موظفة و قاعدة ادور وظيفة حالياً

برد على كلامك انه ربات البيوت مو فاقدين غير الشغاله والسفر لاوالله ياقلبي فاقدين اشياء واشياء فاقده الاستقلال المادي كل شي يروح بنفسي ونفس عيالي ماقدر اجيبه عيني لظروف زوجي اذا كانت زينه هالشهر جبت ربع الاشياء الي احتاجه ماكانت زينه انحرم واقعد انتظر لين تتعدل ظروفه مراجعاتي تتعطل لين تتحسن ظروف زوجي ملابس الشتاء ماقدر اجيبها لنفسي لين تتحسن ظروف زوجي امي جوالها يطفي شحن ماقدر اشحن لها طفلي نفسه بلعبه ولا بوجبه ماقدر اجيبها لين تتحسن ظروف زوجي بنتي تصيح من اسنانها اسبوع يناس تبكي من الم اسكتها بالبنج والابو موبيله شي وانذل بالمستوصفات الحكوميه مواعيدهم مثل الزفت لازم حجز ومتى يجي دورنا عقب شهر ولا شهرين اشياء واشياء واشياء فاقدتها وكله عشان مو موظفه الله يرزقني بالوظيفه الي اعز فيها نفسي واطفالي واقدر اساعد امي والله احيان ماقدر اشحن لها بعشر ريال 😭