متزوجة ما كملت شهر بس أحسه سنين

السلام عليكم خواتي
انا مشكلتي لو بشرحها بالتفصيل بتكون طويلة لكن باختصار انا ما كملت شهر من زواجي يعني 4 اسابيع تقريبا وزواجي جاء بعد سنة ملجة ،،
من اول ليلة بكيت لأنه زوجي ما كان لطيف أبدا ،، بس انا قلت يمكن لانه اول مرة ،، بس مع الايام اشوفه نفس الشي ،، يعاملني نفس ما يعامل احد اصدقائه يعني مافي ممعاملة خاصة بي كزوجة ،، وكأننا بشهر العسل :( والله اني ما حسيت بالسعادة ابدا ولا حسيت اني عروس ،، ومن كثر ضيقي اللي بادي علي امي تقول بالله عليج هذا شكل عروس ،، والله صار مالي خلق شي ابدا ،،
ما كأني مخلوقة جنبه ،، يجيني ويتودد لي لما يريد شي ولما ما يريد والله يعطيني ظهره وينام ،، ولما تخلصحاجته والله يعطيني ظهره ولا كأني انسانه وفهمته وكلمته عن هالشي بس بدون فايدة :( احس اني مجرد سلعة ،، حتى اني ما احس ان رجل معاي والله انام بدون احساس بالأمان ،، ما احس بأي مشاعر تجاهه ،، وهالشعور من ققبل كان موجود ،، لما كنا مالجين ويقترب صوبي يمسك ايدي ما كنت احس إلا بكل برود ومازال الوضع على هالحال ما احس بشي معاه ،، وحتى كلمات الحب والمشاعر ما يفصح عنها ابدا وانا هالشي عانيت منه من ايام الملجة بس كنت عايشة على امل يتغير بعد الزواج :(
من اول اسبوع سألني ما حملتي؟؟ :(
كأنه يريدني للفراش والأولاد بس وما يراعي مشاعري والله :(

شو أسوي انا استشرت رجال الدين ،، بس ما قدرت اشرح وافصل لهم يقولون صبري وانا صابرة من سنتين بس بعد الزواج مافي شي تغير والله كم لازم اصبر ،، اخاف يصير عندي عيال وبعدين اعيش بس عشان اربيهم بدون مشاعر :(

لما قعدت معاه مرة واناقشه في كل هالمواضيع فهمني من كلامه ان لو ما ارتاح معاي بيتزوج مرة ثانية بس ما بيطلقني لانه يرفض مبدأ الطلاق :(
شو أسوي كيف اتصرف معاه وانا صار لي أكثر من سنة اتكلم واحاول ابدل اسلوبه ، والله في امور ثانية بس ما ذكرتها شو أسوي :(