متزوجة من زمان ؟!🤭

موضوعي خاص للمتزوجات منذ سنين ..



تلاحظون زيي ولا بس انا ؟ 🙁
اللي متزوجة و صار لها سنيـن كثيرة تصير كأنها جَـدة👵🏼

حتى لو ما عندها الا طفلين او ثلاثة الا انها مكبرة نفسها مرة.. 🙁
انا ما ادري هم مبالغين ولا انا المبالغة !



متزوجة من كم سنة و كأنها متزوجة من 100 سنة
اي ليش طيب ؟!



عندي قاعدة خاصة لي و احس المفروض انو كل متزوجة تعمل بها ..
» كل ما زادت سنة من سنين زواجك كل ما زادت جاذبيتك و نضجك و ثقافتك 'و حلاوتـك' 🦩




كل سنة عن سنة المفروض الوحدة تعرف ايش اللبس اللي يناسب جسمها اكثر ، كيف تتعلم لها تسريحات ناعمة تناسب وجهها ، تعرف انو حلاة الميكب شيءخفيف ، تضبط اسلوبها و طريقة حكيـها ، تترك لهجة اهل اول..




مو معقول كل م اشوف وحدة متزوجة اكثر من 4 سنين الاقيها صارت جَـدتـي‼️



كلامي نابع من جمعات كثيرة حضرتها و شفت عيّنات كثير قدامي تذهلني بهالشيء..



انتِ گ انثى تعلمي الاتيكيت الخاص فيك💅🏻
انوثتك لها حق عليك تظهرينها 💗
سواءاً ب بيتك او في مناسبات ..
👈🏻اختاري اللهجة اللي تناسب سنّك و جيلك 🌧



👈🏻خلي خطواتك و طريقة مشيتك قمة الانوثة💓



👈🏻حملتي و ولدتي مو معناتها انك تربطين عقد قِران مع الملابس اللي عرضها اثنين متر عشان بس تخفين ملامح جسمك❌
فيه ملابس حتى لو اظهَرت سُمنتك الا انها تظهرك حلوة و تطلعك تجننين و كيوت💛



👈🏻حتى لو انك ترتاحين ب تسريحة الكعكة او البرمة لكن نوّعي لان ذا شعر ومن حقه نظهر جماله و اناقته ولا ليش نطوّله!💜



👈🏻صرتي ام ؟ مو معناته تقعدين تتحلطمين بين الخلق انك تعبتي من مطاردة صغارك و بس تقعدين تصارخين عليهم وسط الحظور او تتأففين من شغلةالرضّاعات و تغيير الحفوظة و تشوّفين ذي و تعلمين ذي و كأنك تشحذين شفقتهم عليك❌


ترا الناس خلقة يتمللون من ذي اللي بس تتحلطم و تصرخ على صغارها و تقعد تظهر الارهاق وسط المجلس و الاهم من كذا مافي ولا وحدة بتحن عليك و تقولاجلسي و انا بطاردهم بدالك🙄
ابد خليك مع صغارك صديقة لهم و لطيفة ترا انتِ كذا تصيرين جذابة اكثر و حليّلة🥰



👈🏻ركزي على طريقة اكلك🦩
كثير اشوف حريم يهجمون على صحن العشاء كأنهم محرومات من الاكل مية عام🙁
تجيك الوحدة تفترس اللحم كأنها وحش🐅



👈🏻مهما كنتي اجتماعية لا تبالغين بطريقة سوالفك و تعدد المواضيع الشاطحة اللي تطرحينها عشان بس تجلبين لك الانتباه .. هدي شوي و خليك رقيقة و راقية 🥰






لا وحدة تاخذ عذر و تقول (مشاكل الزواج و العيال و الشغل و الفلوس القليلة و الكرف كبّـرتنا🙄) ❌✋🏻

لان كلنا نمرّ ب نفس الظروف لكن ابد مافي شيء يمنع ان الوحدة تلتفت ل نفسها❌




دائماً تبهرني الانثى اللي كل ما كبرت سنة من عمرها او عمر زواجها صغر شكلها و مظهرها و اسلوبها 🌧💛

كل ما انجبَت طفل اهتمت بتفاصيلها و تفاصيل اناقتها اكثر واكثر💅🏻



🔴تنبيه🔴
موضوعي يتمحور عند الاتيكيت و المظهر بعيد عن الرشاقة و نظارة البشرة و الصحة و الفلوس..✈️❣️