اولا خلص الورود والنجوم والقلوب واللون الوردي
مرحبا بك في الواقع
وبعد ماتعود عليك صار يقنع نفسه انه دلع
نصيحه لاتدخلي زوجك في مشاكلك مع اهله حكي اه من باب فضفضه وانت اتصرفي
ليه هي اخته وتقرب له اكثر فموقفك ضعيف وصعبه يوقف ضد اهله وان علطانه ماحيسب اخته
انت شوفي كيف تتعاملي معاهم
بس حكيه من باب هذا الي حصل


اما التسحيب والتاجيل كلهم كدا وكل رجل له اسبابه
الي سبب مقنع والي كسل وعدم اهتمام
فمابجيبهم الا الزن والازعاج والتعطيل لانه مريضه ماطبخت ماعملت بس ماادبر نفسي عطلي اموروا حيجيب ويسوي الي تبغيه بدون مساكل بس بعدر الشي الي ناقصك سواء صحة او طلبات

اه فهمت عليكي حياة جديدة وشخص جديد " غير الي كان في الملكة " وكمان غربة


ترا ي قلبي انتي مو مستوعبة بس كلللللهم كدا يحسسك انو استغفر الله حيعبدك ايام الملكة وبعد الزواج
Welcome to reality 💕


كلو يختفي بس مرة مو معناتو كره لكن يتحول لشكل تاني من اشكال الحب
واهلو مو احسن منك ولا شي واصلا انتي عشين تريحي نفسك لا تقارني نفسك فيهم ولا تحطيهم في بالك دام ما بيخلوكي تخدميهم ولا بيحشرو نفسهم في حياتك طنننننننشي علاقتهم بولدهم بينهم وبين ولدهم
بالنسبة لانو راح وقطع كلامك انتي ومامتك يمكن لانها موجودة في نوع رجال يكره انك تجيبي له بابتك او مامتك او احد من اهلك وتقعدو تتكلمو معاه يحس انو محاصر وفي موضع اتهام وتحقيق


اعطي حياتك معاه الي هيا تعتبر ما بدأت لسا فرصة
غيري أسلوب التعامل كلميه دحين وارجعي بيتك من غير ما تدخلي بابتك او مامتك واقعدي اتكلمي معاه زي الناس الناضجة بدون عصبية وفوران وقوليلو دا الكلام الي قولتيه انا سيبت اهلي ومدينتي واتعلمت اطبخ وووو عشينك انا كمان احتاج منك كدا وكدا واحتاج تعوضني عن كل دا واسمع منك كلام حلو صارحيه وافتحي له قلبك صدقيني صدقيني حتتغير المعاملة

والله مدري وش اقولك حبيبتي أنا بعد مايوديني مشوار او موعد الا بعد طلب وطفش ولما يسد نفسي قال يالله أوديك ولا عندي صاحبات ولا زيارات وماعمري قصرت بحقه لكن هم كذا الواحد يمشي ويقول الشرع حلل أربع انتي امسكيه وناقشيه لازم تتفاهمو كذا مو حلو مشاكل من بدايتها لازم تعرفي السبب.

ليش تحرضيه على اخته ؟؟ واضح انها على نياتها طالما تسر عليكي تشربي قهوة
ولما تسأل عن شنطتك ع اساس تمون
نيتك شينه عدليه عشان ربي يوفقك ...

طبيعي عرييس ايام الخطوبة يتجمل بأحلى الصفات وما تبان شخصيته الا بعد الزواج ،،،
وانتي كمان شكلك بانت شخصيتك عليه بعد الزواج ووصلت معاه لتهديدك يشتكي لابوك
واضح انك حساسة بزيادة ... وتوقعي يخف الدلع والمدارة عن بدايات الزواج ... لازم تعيشوا طبيعي ،،،، يعني من جدك انتي تبغيه يتدخل بمشاكل بينك وبين اهله ؟؟؟ واشياء تافهه بصراحة اش اخته لزمت عليك تشربي قهوة !!! من غلاتك تلزم عليك واصطفلي انتي واياها اش دخل زوجك ؟؟؟ كبري عقلك واهتمي بنفسك وزوجك ولا تدققي وتنبشي على نفسك المشاكل نبش ،،، انتبهي باب مسكر لا تفتحيه العواقب وخيم