متزوجة والا آنسة , عندك اطفال او بتشوفينهم في المستقبل , حياكم

السلام عليكم ورحمة الله ..
انا قليل ما اكتب مواضيع ما احس اني اعرف اصف الكلام وفي نفس الوقت اخاف اقصر في الرد على اللي قدروني وردوا علي


لكن هذا الموضوع لي فترة افكر اطرحه وودي اعرف اراء الناس وكيف تفكيرهم


بداية الموضوع قرأت قصة ان فيه طفل اعطته ام في السوبر ماركت حلوى وكان عنده تحسس من احد مكوناتها وامه ما انتبهت وصار عندهم حالة طوارئ وتحسس شديد ادى الى فقدان حياة الطفل
اكيد امه مطلعته معها يغير جوو ما توقعت ان فيه انسانة غريبة بتعطيه شي
وايضا الانسانة هذي اكيد اعطته من طيبة قلبها ولانها حبت تتودد وتوسع صدره


نجي لمجتمعنا لانه مجتمع تواصل وترابط ومحبة الحمدلله يتكرر كثير اننا نعطي اطفال سواء في السوق او في انتظار المستشفيات او في الحديقة حلوى او شوكلاته او أي شي يكون معنا او مع اطفالنا منه


واكيد لان البعض ما عند اطفال تحسس او ما جرب التحسس من بعض الاطعمة في اطفاله بالذات التحسس من المكسرات جدا خطيرة
فما يدرون انه ممكن تقتل الطفل او تسبب له مشاكل
بطبعي من تزوجت متعودة اسأل اهل الطفل قبل اعطيه أي شي
صراحة مو عشان التحسس لاني ما جربته الا بعد ما انجبت بعض الاطفال اللي عندهم تحسس من بعض الاطعمة
لكن احتراما لتربية اهله
لان بعض الاهل معودين عيالهم ما ياخذون شي من الغرباء او من أي احد بس امه وابوه وقد يكون لاسباب معينة في مجتمعهم او اسلوب تربيتهم او شخصية طفلهم او حتى طريقة الحياة اللي عايشينها يمكن يحطونه كثير لحاله او يختلطون كثير مع الغرباء فيخافون يتم استدراجه فيعودونه ما ياخذ من احد
وبعضهم اذا استئذنته يرفض واحترم الرفض ما ازعل
مره وحده في السوق جت تعطي طفلي عصير مفتوح وطبعا رفضت اذكر انها طالعتني وجلست تتكلم علي وانا مسكت طفلي ومشيت زي اللي تقول تحمد ربها من زين ولدها
لكن عندي حدود وامور لايمكن اوافق عليها
نجي لكم سواء الطرف ام الطفل او الطرف الثاني الحلوة الحبوبة اللي تعطي الاطفال وتحب تشوف الفرحة بعيونهم
هل توافقين على اخذ طفلك شي من الغريب ؟
ولو جاك وبيده شي وقالك عطتني اياه وحده وش تسوين ؟
والعكس لو انت تحبين تعطين الاطفال تسألين الام قبل وتستأذنينها ؟
ولو الام رفضت وش تفكيرك ؟ ولو ما اخذتي الاذن والام شافته مع طفلها ورمته بالزبالة وش تفكرين ؟