بنت ابوها و غادة وصفصف
تسلمون على مروركم الطيب وانا قلت لها هالكلام بس قالت انها غيرت رقم التلفون الموبايل واللحين ماتكلمه على الموبايل بس باقي الشات والمسنجر وحاولت تقطع خط النت من البيت بس زوجها يستعمل النت وايد فاكيد بيشك لو اصرت انها تقطعه
حتى هي فكرت انها تغير الباسورد اللي يفتحون فيه النت وتخلي زوجها هو اللي يغيره ويحتفظ لنفسه بالباسورد بس بعد خافت انه يشك :44:
تصدقون عاد انا اكتشفت شي اللي برا المشكله يشوفها غير عن اللي داخلها يعني انا من الاول قلت لها اتركي النت وهالخرابيط وارجعي لزوجك وعيالك وكنت معاها يوميا بس بعدين لما تكلمني تقولي انتي تقولين لي تقربي من زوجك وعيالك وابتعدي عن النت طيب اذا زوجي اليوم انا حاولت اتقرب منه واخليه يقعد معاي لو عشر دقايق او يطلع معاي مكان وهو يوميا اذا مو مسافر برى واذا في البيت يانايم يا قاعد يقرا طيب شسوي عجزت معاه ؟؟؟؟ :06:
وهي مو مقصره يعني تلبس له وتسويله كل اللي يبي بس هذا طبعه ولا راضي انه يغيره يعني دايما مشغول عنها ولاهي ولما تعاتبه يقولها انا احبك وانتي تدرين ومو لازم اجيب لج هديه او اطلع معاك نتعشى مثلا برا عشان اثبت لج اني احبك انا احب اكون بالبيت اذا ماعندي شغل برا اقعد بس اقرا او ارتاح واحس انكم موجودين معاي ولا احب اطلع مثل هالطلعات !!!!!
شرايكم ؟؟؟؟ :mad:

أهم شي تقطع علاقتها مع االشاب و تغير رقمها و أبدا ما تقوله انها متزوجه
لانه ما راح تركها و بس لا يبيفضحها و يخبر زوجها وو يخرب بيتها ...
تخلي شيخ يتصل بالشاب على انه ابوها و انه كشفهم و يهدده يتركها و يغير بعد رقمه او يخبر عليه الهيئه....اذا صار و طلبه من بوها يقوله لا ما في نصيب بس ابد ما يخبره انها معرسه..

ترى اكثر رجالنا هالشكل احنا نلبس ونسوي له اللي يبي وهم عواطفهم غير جياشه بس الزوجه تحاول تسوي هالشيء احتسابا للاجر .. و نادرا يجي زوج يحكي كلام ينقط عسل و يدخل البيت ومعاه ورده.. وان حصل في بداية حياتهم .. ما هو مطلب أساسي .. ما انكر اننا كزوجات نحب هالشيء لكن مو معناه اذا ما انوجد نتوجه للطريق الخاطيء... :D
اي بيت لا بد من وجود مشكله فيه .. وهذا ما يعني الهروب من الواقع واخرب بيتي .. هي تحتاج تواجه نفسها وتحل مشكلتها اللي تسويه هروب من المشكله لمشكله اعظم يكفي انها في طريق يغضب الله ولا يرضى به احد لها ولزوجها ولاولادها...
انا رأيي انها تبالغ في نقطة الفراغ العاطفي وانها مو عذر ابدا للشات مع رجل غريب بحجة مشاعر اكيد رخيصه واللي تتبعه اسلوب غير لائق بأمومتها .. الله يهديها ويصلح من حالها..

أتمنى تنقلينلها الجزء التالي وتقرأه بتمعن ففيه أبلغ ما قرأت عن هذا الموضوع واتمنى ان ينفعها الله به



الحل برأيي انها تقوي علاقتها بربها حتى لو غيرت ايميلها وشالت النت ممكن تلجأ لعدة طرق اخرى للتواصل معه.. لكن بتقوية علاقتها بربها وخوفها من غضبه حيمنعها ويكون اكبر رادع لها.. وساعتها حتى لو النت قدامها 24 ساعه ما حتفكر ترتكب غلط مثل هذا....
وأخيراً بارك الله فيكي اختي الكريمه على حرصك على صديقتك .. واتمنى أن تكوني عون لها على الخير..وسامحيني على الإطاله..
في امان الله،،

بصراحة أختي هذي انسانة انانية بكل ماتعنية الكلمة من معنى يعني مستقرة في حياتها وزوج يحبها وعيال ونعمة الأمن والعافية وش تبي بعد
!!!
ايش هالشيطان اللي لاعب عليها او ايش هالمراهقة اللي توها تفرغ وتجيها0
وينها عن مشاكل بعض الزواج المكتوبة في هالمنتدى لو تقرآها لتقول الله يخلي لي رجلي0

البداية في العلاج ان تحط في رأسها كذا شغلة0
الخوف من الله وانه يرآها وهذا العمل ماله حل يايروح سيئات وذنوب او حسنات وطاعة عاد هي وعقلها تستنتج عملها وين يوديها0

الخوف من معرفة زوجها بأعمالها الأمسئولة وين بتويها بيت الأهل اللي كما عرفنا ان نار زوجك ولا جنة اهلك او كره الزوج اذا كان عاقل وراح يصبر عليها على شان العيال0


الأبتعاد عن الماسنجر والشات لأن كبائر الأمور من مستصغر الشرر0

امر الشاب واضح عيان بيان للتسلية وهي ايضا هدفها كذلك يعني كل العلاقة كذب وخرابيط وهي تقول انها فاقدة الحنان وشلون هذي نبي نفهم؟؟
يعني حلالك مو مكفيك0

تعرضت ان زوجها ما يجلس بالبيت واذا جلس يحب يقعد معهم ياأختي وين المشكلة اغلب الأزواج كذا هي بذكائها تقدر تسوي له في البيت الفندق والمطعم وكل شيء راح يخطر على بالها بس تخلي عنها شيطان الجن والأنس اللي قاعدون يهدون بيتها طوبة طوبه

قارب withoutشراع و القموره اموره
بصراحه كفيتو ووفيتو وبالفعل القرب من الله اكبر رادع وحمايه لها من طريق الغلط اتمنى انها تقرا كلامكم وتعمل به لانه هي عايشه بنعمه محسوده عليها زوج ملتزم وعيال حلوين مالين عليها البيت وراحه ماديه يعني اذا اهملها زوجها شوي تروح تخونه عيل شتقول عن اللي يخونها زوجها او يعاقر الخمر او يضربها اواو او يعني اللي تعيش بجحيم مع زوج من هاذولا شو تسوي يعني ؟؟؟؟؟؟ :mad: