متزوجة وعندي اهل وعندي صديقات..بس أنا عايشة بوحدة قاتلة

مـــــــــــــــــــــــــــــــــــ ،،، ــاء الجوري والياسمين يا أح ـــلى وأنـــ ع ـــم بنات

بما اني عضوة جديده هنا حابة عرفكن بنفسي ..
7
أنا بنوتة حلوة وأمورة ومثقفة وشطورة كنت أيام الكلية :42:
عمري قرررررريب اصير 27 سنة :09:
الحمدلله تزوجت واحد يحبني واحبه يمكن كان عمري 20 ولا 21 سنة
عندي صديقات وعندي صديقة كلوووووز وعندي عايلة كبيييرة هههههههههه وعائلة زوجي كبيييرة

الحمدلله من قبل ومن بعد ..

طبعا أنا تخرجت وماتوظفت حتى الان
وساكنة لحالي .. و زوجي دوامه طوووويل يرجع الساعة 6 الليل
وربي ماكتب لنا نجيب عيال لليوم والحمدلله

حااااسة انو بيتي كئييييييييب ودي أحرقه من الهدوؤ والكآبة اللي فيييه معني لسه مغيرة الاثاث من سنة
طول اليوم جالسة لحالي انا والجدران .. ما حصلت وظيفة زوجي يقولي نظفي البيت .. طيب بظل طول اليوم أنظف شغالة أنه يعني:(

الشقق اللي جنبي كلهم صاروا عوايل وصار عندهم اطفال أسمعهم الصبح لما يروحون على المدارس ولما يرجعون وانا بيتي هدووووؤ مرة بشكل ما تتخيلونه

أشوف كل صديقاتي وبنات عايلتنا صاروا أمهات يطلعون معهم ويفسحوهم
وانا و زوجي ملينا من طلعاتنا لحالنا 6 سنوات .. مهما كان الانسان ميال للتغيير محتاجين طفل يملي علينا حياتنا .. طبعا زوجي عنده الحيوانات لمنوية بطيئة وعالجنا وما زلنا نعالج .. سويت اطفال انابيب وتلقيح صناعي وما ضبط للآن مع ان زوجي العدد عنده ممتاز وفلوسنا كلها للعلاجات حتى سفرة ما نقدر نسافر لان أولويتنا للعلاج والانجاب .. والحمدلله هذا قضاء الله وقدره

لما اروح نهاية الاسبوع عند اهلنا كل خواتي وبنات خالاتي اللي بسني وااللي اصغر مني كلهم مع عيالهم .. غصب عني هالمنظر يذكرني بأني غير عنهم وماعندي عيال أشوف فرحة أمي وخالاتي ياخذون العيال ويبوسوهم وأنا كل مرة أدخل وأطلع لحالي .. نفسي أدخل عليهم ومعي اطفال مثل خواتي لما يدخلون بعيالهم ..

حتى بنت خالتي مرة تقولي ياااه انتي طول اليوم فاضية ماعندك شي شتسوين ..
صحيح احيان اخترع لي برنامج للتنظيف بيتي وكل مرة شي من الطفش اللي انا فيه .. بس مهما كان انا انسانة ومرأى قبل كل شي محتاجة زوج واطفال وعائلة.. الكلية وخلصتها وتنظيف بيتي وخلصته وطبخ وخلصت وبعديييين .. وللاسف لما زوجي يرجع من دوامه ما يقدر يعوضني ويجلس معي ..

صرت أحس أني أبي أعوض هالشي فتلاقيني همي بالرجيم والرياضة وكل يوم اغير شعري واحب المكياج والملابس .. وصرت لما اروح جمعة عايلتنا كل مرة يشوفوني بشكل جديد هههههههههه

الخلااااااصة يا بنات ودي اغير حياتييي .. تعبت من الوحدة طول اليوم
طول اليوم لحالي بالبيت وزوجي ما يرجع الا متاخر.. صرت يا ينات بس انام وانام من الوحدة واهلى ما يوديني لهم الا الويكند .. وجاراتي ماحس انهم يتقبلون الناس كثييير كل وحدة ماتدري عن الثااانية ههههههه

ودي أسوي جو ببيتي .. لاني حاسته ميييت ... آآآآه يا بنات
ودي لما اصحى الصباح أحس باهمية اليوم أحس اني انسانة فعالة و وجودي مهم بالحياة اني قاعدة انجز شي .. حياتي صارت نوم ونترنت وفضائيات وبسسسسسسس