classy_girl @classy_girl

عضوة نشيطة

متزوجه..أم..و تدرسين في الجامعه!!! تفضلي حياااج

:) السلام عليكم و رحمة الله و ربركاااته..شحالكم حبايبي؟؟؟
بناااات أبغي أفتح مضوع للنقاش و أطلب رايكم في موضوع.. اللي متزوجه و تبغي تكمل دراستها الجامعيه,,تشجعونها والا لا..و اذا الوحده حملت و بتكون عندها مسؤلية زوج و طفل برايكم تقدر تكمل؟؟
يا ليت اللى متزوجه أو عندها طفل و تدرس تخبرني كيف روتينها و شو المصاعب اللي تواجهها؟؟ أنا متزوجه و ساكنه بيت أهل زوجي يعني مب مسؤوله عن البيت و ما عندي بيبي:38: . و حصلت كليه مب بعيده عن البيت و الدوام قصير يعني الين الساعه وحده الظهر..أنا متحمسه و عندي اراده أكمل بس أبغي رأي اللمتزوجات اللى عندهم طموح و قاعدين يكملون دراستهم..ممكن تفيدوني؟؟؟

يلزم عليك تسجيل الدخول أولًا لكتابة تعليق.

تسجيل دخول

~ مهرة ~ • 18 سنة

ما دام ما عندك بيبي للحين كملي دراستك لأنك بعدين ما بتقدرين إنتهزي الفرصة وسجلي في الكلية إللي تبغينها خاصة وإنك عايشه في بيت أهل زوجك يعني شغل البيت ما شي..

@الاميرة@ • 18 سنة

توكلي على الله يااختي
المهم انه زوجك يكون راضي وهو يشجعك ..
انا قدمت تيرم في الجامعة ونجحت بامتياز لكن المشكلة كانت بالاولاد الله يخليهم ماكنت عارفة وين اوديهم وبصراحة مابامن على اني اخليهم مع شغالة

فتوكلي على الله وقدمي وبالعكس انتي لما تدرسي راح تتغير نفسيتك للاحسن وتهتمي بزوجك اكتر لانك حتغيبي فترة عن البيت فبتحسي حالك مشتاقة للبيت وللي فيه ...وراح يزيد اهتمامك للناحيتين

الصمت حكمـة • 18 سنة

حبيبتي توكلي على الله وكملي
انا ادرس رياضيات وعندي ولد وما ارجع الا الساعة ثلاث وماشية حياتي ولا أحسن منها ...

احلا الحلوين • 18 سنة

تصدقين يالغاليه حتا انا ودي اكمل دراستي لاني مو جامعيه وزوجي يدرس حاليا وما عندنا اطفال يعني حتا وقت الدوام اكون فاضيه وزوجي عنده محاضرات وامتحانات احيانا اطفش من الملل وهو يقولي ادرسي بس مو متشجعه اخاف اتوهق ويزيد الضغط على والي مخوفني اكثر لو حملت وانا ببدايت دراستي وش اسوي مدري محتاره مثلك ودي براي البنات بد:26:

فرائـد نادرة • 18 سنة

حبيبتي ظروفك ماشاء الله مساعدة لك أكملي دراستك قبل لا يجيك اطفال