متزوجه بس تعبت من الوحده ابي صديقات ... / تم الرد +قديم

مرحبا صبايا كيفكم يا حلوين
انا متزوجه من سبع سنوات كنت ساكنه بابها ولما تزوجت نقلت للرياض يعني اهلي ماهم معاي بنفس المنطقه وﻻ صديقاتي وﻻ اعرف احد بالرياض اﻻ اختي ساكنه بالخرج وانا بغرناطه
اللحين دايم نطلع استراحه مع جماعتنا ودايم مع سلفاتي نتجمع الخميس نطلع البر بس انا ماعندي صديقه ماعندي احد اسولف لها اللي في بالي وﻻ اهتم يعني اجتماعتنا دايم نسولف في مواضيع عامه وسطحيه ويوم الاربعاء دايم هم هاليوم سلفاتي كل وحده تجتمع مع صديقاتها ومع اقاربها بنات خوالها وعمامها بالاماكن النسائيه وبالاسواق وانا ماعندي احد حتى جيران ماعندي جيراني كلهم قبيله وحده ساكنين جنب بعض المشكله كلهم مررره بدو يعني عندهم شبوك غنم وكذا وكمان كبار بالسن اول مره اروح لهم كنت ﻻبسه ومتكشخه وفكيت عباتي واناظر فيهم كلهم بالبراقع اﻻ انا حسيت اني جالسه بمجلس رجال وﻻ عاد رحت لهم كثير طفشت ياناس ابي احد خاص فيني تعبت نفسيتي وﻻ اقدر اكمل ع هالوضع ورافض يعرفني باحد من حريم اصحابه وكل اصحابه نفس الموال يخافون الحريم يسببون مشاكل ويبون طلعاتهم تقتصر عليهم شباب بس
وﻻ اظلمه عرفني ع 2 بس كلهم مدرسات ومشغوﻻت بصحباتهم واقاربهم ماشوفهم اﻻ بالشهرين مره
وقبل فتره مره تعبت وقمت قربت العﻻقه بيني وبين وحده من سلفاتي اللي حسيتها مره طيبه وياليتني ماسويت هالشي سولفت لها وانبسطت معها وبالاخير قلبت علي وكل سوالفي لها راحت نشرتها واللحين العﻻقه بيننا متوتره مره وكمان قلت اتوظف اقلها اطلع لي مكان ومجتمع خاص فيني مالقيت شهادتي ثانويه لما تزوجت كنت دارسه اول كليه وبعدها قدمت تاجيل سنتين وبعدها وصيت اهلي يروحون للكليه يقدمون اوراق نقلي او ياجلون لي سنه كمان ﻻني كنت حامل ونست الوالده الله يهديها تروح وبعد فتره رحت ﻻهلي ابي اقدم نقل ع الرياض واكمل دراستي قامت سوت لي طي قيد تقول لك سنه ما داومتي غياب حسبي الله عليها وﻻ كان كملت وتعرفت لي ع صديقات توظفت وارتحت من همي انا عندي بنتين وولد وابوهم دايم برى طلعاته كثير وانا اللي ماكلتها :44:
ماعليش طولت عليم وزادت الهذره بس ش اسوي ابي اتكلم تعبت ونفسيتي تعبت
ابي احد