بسم الله الرحمن الرحيم
الحمدلله والصلاة والسلام على خير خلق الله ..
السلام عليكم ورحمة وبركاته .. كيفكم اخواتي الله يتم عليكم نعمه
ويجعلكم واحبابكم دايم في صحه وعافيه وحياه سعيده :)
والله يبلغنا واياكم واحبابكم رمضان اعواما مديده ونحن بصحه وعافيه والامه الاسلاميه بخير يااااااارب العالمين
عندي كلمتين بسيطه وانا متأكده انها تدور في بال كثيرين زي ماتجي ببالي كل ماتكررت مثل هالمواقف علي
بإختصار موضوعي اليوم مو بس للمتزوجات لا حبايبي حتى البنات الحلوين يشرفونا ياخذو فكره عن هالموضوع المهم
ومهما كانت مكانتك ام زوجة اخت عمه خاله الخ ............
أرجوك من اليوم ورايح تحطي هالشغله في بالك كل مافكرتي تسويها ...
لان البعض ممكن يسويها عن جهل والبعض طبع فيه يكون اتكالي ومستهتر بالاخرين والبعض يتقصد والله اعلم بالنيات
المهم حبايبي نروح سيدا للموضوع وقروبوا مني يا متزوجات الله يجملكم في عيون ازواجكم ويسخركم لبعض
ويرزقكم الذريه الصالحه النافعه لكم ولدينهم ......
والبنوتات يفرحوا لانه اخيرا احد حس فيهم وتكلم عن معاناتهم :44: مع اني متاكده في غيري قد تكلم عن هالموضوع لكن مايمنع نذكر مره وومرتين ومليون فإن الذكرى تنفع المؤمنين :)
كم مره حبيبتي حطيتي اولادك عند اهلك وسافرتي تنبسطي مع زوجك :arb: بالايااااااام والاساااابيع
او كان نفسك تروحي خرجه هاديه ولكن زوجك مايبغى الاولاد وفزعتي طبعا وقلتي بس نوديهم لأهلي:09: ..
ويا سلام لو جاء الصيف والزوج مرتبط بعمل او يبغى يسافر مع اصحابه ... ومالك احد بعد الله الا بيت الحبايب اهلك
ورحتي وبلطتي عندهم طول الصيفيه اكل وشرب وخرجات على حسابهم
وكملتيها بروحات سوق وكورسات تجميل لسي السيد يرجع ويشوفك عروسه والمشاوير في ظهر اخوانك وابوك
وتكمل لو المصاريف منهم كمان :mad:......
اخواتي انا عارفه في ناس رح يزعلو من هالكلام لكن فعلا في فئة من البنات الله يهديها همها نفسها وزوجها
واهلها كأنه ماعندهم مشاعر ولا ارتباطات ولا نفسهم يسافرو ويطلعو بس على حسابها
والله شي يقهررر واسألو الاخوات الغير متزوجات والامهات الكبار كيف لما تسير لمة البنات المتزوجات عندهم
اش حالة الدنيا تسير تطلع ولا همها في شعبها الكريم يخربون ويكسرون ولا تتكلم مشاوير على حساب الاهل
وكمان مو معناته اهلك زوجوك يعني اخلو مسؤليتهم عنك لا طبعا بس كل شي بحدود حلو
يعني مرره مووو حلوووه اخوانك يتكلفون في سفره او خرجه لعوائلهم وتجين انتي وزوجك بكل برود تقطين نفسك عليهم
خصوصا اذا ما عزموكم معاهم في الخرجه
الاخوان رح يرحبون فيكي بس زوجك رح يضايقهم وجوده خصوصا لو تكرر الموضوع
وزوجات اخوانك لا تقولين بعدها ليه تغيرت نفوسهم علي ....
وياسلام لو كمان تحطين اطفالك عند زوجات اخوانك وتطلعين مع زوجك
اوكي لو مره او مرتين او تكونو مرتبينها بينكم بس اذا تكررت سامحوني تراها حركه ثقييييييييله مرررره:eek:
يعني اهلك بمافيهم اخوانك المتزوجين وراهم مسؤليات ومصاريف على بيتهم لا تحمليهم نفسك واولادك بالذات لو كانت صرفياتك شي تعود منفعته لزوجك او حاجه مكلفه من علاج تجميلي ونحوه لانه المفروض حبيبتي تكوني معوده زوجك هو اللي يدفع لك مو اخوانك وابوك
واخوانك الغير متزوجين لا تزعلي اذا رفضو الاستجابه لمشاويرك اللي ماتنتهي بين سوق وعطار وزيارة صديقات وتمشيه لاطفالك وغيره لانه مو ولي امرهم وابوهم اولى بهذي المشاوير
مو يعني يغسلون اخوانك يدهم منك لكن اعيد وأكرر الثقاله الزايده ماااالهااااا دااااااعي
اخواتك الغير متزوجات ترى مو بيبي سيتر لك على غفله كل ماحبيتي تطلعين حطيتيهم عندها وفليتها
يعني هي كمان اكيد عندها دراسة اشياء خاص لمة صديقات ... اي شئ نفسها تسويه بدون ارتباطات
ومسؤلية اولادك كل نهاية الاسبوع على راسها :06:
اخواتك المتزوجات
ياليت لما تجتمعي عند اهلك معاهم تحاولو تكونو مفهمين اولادهم ان بيتالاخوال مو مكان لتنفيس الطاقات المكبوته في بيتكم
وانه جدو وجده مايحبو الازعاج والتخريب ... وهالشي تنبهي اخواتك عليه ..
ولا يكون همكم زيارة اهلكم عشان لمتكم مع بعض والسهر او الفكه من البيت ومسؤلياته واخذ فترة راحه عندهم.. حسسوا اهلك انكم جايه عشانهم هم اولا مو عشان احد ثاني
عشان تكونو قريبين منهم وتسلوهم انتي واولادك مو تزيدوهم هم !!
انا عارفه انه الموضوع قاسي شويه بس ارجوكم اخواتي يالييييت نهتم شويه بأهلنا نقدرهم ومانحسس الزوج
انه اهلي ممكن ينوبون عنك بكل شي فيه بنات يكون قصدها تبغى تريح زوجها
لا حبيبتي مو كذا تريحي زوجك وتتعبي اهلك خلي عندك توازن بالحياه
صحيح حلو انه اهلك يبانون قدام زوجك انهم مهتمين فيك وبأولادك وأنهم مرحبين بكم فأي وقت قدام زوجك
بس نصييييييحه لا تفتحي على نفسك باب مع زوجك انه كل شي على اهلك لانه وقتها رح يعتمد
ويقول خلي اهلك يسووا ويجيبوا لك
فهميه انه انتا اللي مسؤول عني
اطفالنا مو كل مره نحطهم عندهم على حساب وناستنا اهلي كمان وراهم ارتباطات
معليه الله يعطيه العافيه يتحمل ويخرجكم سوى ..... ويتحمل كمان مصاريفك التجميليه والعلاجيه
لانك زوجته ومسؤليتك عليه مو على اهلك
موضوع كتبته على عجاله .... فضفضت ما كان في نفسي ان شاء الله يكون المقصود وصل
وبإنتظار تواصلكم :27:
اللهم احفظ لنا ازواجنا وذرياتنا واجعلنا للمتقين اماما
اللهم سخرنا لبعض واهدنا واغفر لنا وتولانا في جميع امورنا
اللهم اصلح لنا ازواجنا وذرياتنا وسخرهم لطاعتك ورضاك
اللهم اغفر لوالديّ كما ربياني صغيرا ... اللهم جازهم عني خير الجزاء
عفوك ومغفرتك وعافيتك وحسن خاتمتك وفردوسك الاعلى ياعظيم المنّ والكرم يارحمن
اللهم احفظ أهلي جميعا واحفظ ذرياتهم واصلحهم واهدهم واعفو عنهم و وفقهم لما يرضيك
اللهم اجعلنا فقراء اليك اغنياء عن خلقك
اللهم صلِّ وسلم على خير خلقك
اللهم آميييييييين
جزاك الله خير على موضوعك