متزوجه دميه يحركوها الناس ..

السلام عليكم ورحمه الله وبركاته
ترددت كثير قبل مااطرح المشكله ماابغى اغتاب احد بس ابغى منكم حلول تساعدوني اغير فيها زوجي وطبعه زوجي بنهاية الاربعينات
انسان طيب وحنووون ويحبني لكن عصبي ولو عصب الله يرحمني روحه في عياله ومايقصر في الاكل والشرب ويحسب انه هذا كل شي
الي قاهرني بزوجي انسان مايعرف يتخذ قراراته بنفسه احس باقي شوي ويسالهم ايش رايكم ادخل الحمام ولا لا
اشوف كل الرجال يسافروا ويدخلوا ويخرجوا بمزاجهم زوجي لا كل شي يستشير فيه اهله اوكي في اشياء لابد بس في اشياء خصوصيات كيف بالله بيتحمل مسؤليتنا وهو مو قادر يقرر شي لنفسه لو حصل واراد يشتري اثاث مثلا اتصل باهله وياريت يستشير رجال لا يسمع لكلام الحريم اكثر
ولمن انصحه بشي مايسمعني لاني اصغر منه بكثير فاحسه يعتبرني طفله هذا غير اول يوم بزواجي تخيلوا يكلمني عن اهله وانهم اهم مني ومن اي شي ويحبهم اكثر مني يحسب اني متبرية من اهلي يوم اتزوجته مثلا !بس الزوجه شي والاهل شي ثاني الحياه الزوجيه ايش فايدتها لو مابها خصوصيه يابنات انا مااتكلم عن الام والاب لا الاخ جامع اهله كلهم
بس الله يقول الحق مايسمحلهم يتجرؤا عليه بكلمه او باي شي
بس يحس انه قرارته تخصه هو واهله وانا اهم شي اكلي وشربي وعيالي هي ذي التزاماته تجاهه
تصدقوا يوم قرر يدخل بنته المدرسه اتصل على اهله ايش رايهم يبغاهم يقرروا بالنيابه عننا ليه طيب انا امها وانت ابوها ايش دخل اهلك وهم كل واحد عايش حياته مانسمع عن انهم سافروا اوسووا الا بعد فتره لكن احنا المفروض قبل مانعمل نستاذن
ممكن تحسوا كلام مخربط او مبهم هذا عشان العيله كلها بعالم حواء فماابغى يعرفوني
اهله يتحكموا فيه بكل شي سوي ولاتسوي تعاال روح وهو كله اذان صاغيه ماله راي تحسيه طفل الراي الاول والاخير لهم نفسي احس اني متزوجه رجال يحكم ويلزم له كلمه ماتنزل الارض
يابنات اكثر شي قاهرني انه اليوم تجادلت معه بموضوع اهله يبغوه يسوي شغله ونحنا محتاجينه بهذي الفتره والشغله ماهي ضرورية احنا اهم ماقدر يتكلم ويقول عيالي وين اوديهم ولافكر فينا همه نفسه واهله واحنا بالطقاق اهم شي كلمتهم تمشي انا ضحيت معه وضحيت باشياء عشانه وساعات اعتذر من اهلي باشياء لاني مااقدر اخليه واشيل همه وين بيروح من بيهتم فيه وهو مايقدر
للامانه يابنات انا اهله يحبوني ويحترموني لكن لابد من بعض المضايقات تحصل حتى بين الاخت واختها
البلا بزوجي ماله كلمه ولاراي
ابغاكم تنصحوني مين كان زوجها كذا وقدرت تغيره انصحوني ايش اسوي