متزوجه شفتها في شريط الفيديو وسترتها..

الملتقى العام

هلابنات
بكتبلكم القصه بالتفصيل الممل عشان تحذرون من التصويرفي الزواج
القصه قبل خمس سنوات تم تحديد زواجي وقعدت احوس واحوس لحد مالقيت المصوره الشاطره طبعآ انا جبتها من استديو نسائي مشهور
واتصلت عليها وجتني في البيت ومعاها الابتوب حق الشغل فيه صور الكوش والمسكات وطريقه اخراج الصور والاضائه.
طبعآانا صورت فيديو وفتغرافي عشان الذكرى.
ودفعت لها العربون,,

والتهيت انا بالسوق والتجهيز
وصادف اني حضرت زواج ولقيتها فيه تصور العروس
وروحت عندها وسلمت عليها
وذكرتها بموعد الزواج مره ثانيه كنت موسوسه ذيك الايام حاجزه كوافيرتين
الحين بدخل في القصه اللي يشهد علي ربي ان كل حرف بكتبه صدق
اليوم زواجي تاريخ.......يوم.......اسم القاعه......الرياض
صحيت الساعه 12 الظهر وطلعنا من البيت الساعه 12ونص وصلنا القاعه 1ونص
دخلنا القاعه من باب العروسه
واتصلت على الكوافيره وقالتلي في الطريق
واتصلت على المصوره عشان الكوشه لازم يركبوها قالت بعد العصر وهم في القاعه
صلينا العصر ودخلو العمال وكان معاهم اخوي عشان يركبو الكوشه في المكان اللي انا محددته
انا رفضت اني انزف خايفه من العين
والزفه كانت بس اهلي واهل زوجي
طبعآ وصلت الكوافيه
وابتدت في تزيين خواتي وامي
وانا في الاخير
الساعه9 خلصت المكياج ولبست وبديت التصوير
تفاصيل كثيره صارت
المهم دخل زوجي
والمصوره بدت التصوير من البوابه لحد ماجلس على الكوشه
وبدت تصور فيديو وفتوغرافي
طلعت انا وزوجي من القاعه الساعه 12وربع
قامت المصوره واعطت امي شريط الفيديو
وخلص الزواج ورجعو اهلي للبيت
قال اخوي بتفرج على الشريط قالو امي وخواتي لاخليه بكره نجلس عليه مع بعض واتفقوا يتفرجون فيه من بكره
امي كانت تبكي علي <<<قلب الام
وخواتي كانوا تعبانين وماتفرجو على الشريط
واختي الصغيره قعدت على شريط زواجي<<مآدرو عنها
تدرون وش شافت في نهايه الشريط :44:


































































































هي شافت زفتي وكل شي والحمد لله ضبط التصوير والصوت
بس الصدمه يوم انتهى الشريط
شافت زواج ثاني يعني شريطي في الاساس مسجل عليه زواج ثاني
والله والله والله









مكتوب اسم العريس كامل واسم قبيلته
واسم العروسه كامل واسم قبيلتها
واسم القاعه والتاريخ واليوم
طلعت متزوجه قبلي بيومين
انا كنت في الحرم يوم امي اتصلت علي وتقولي شريطك فيه عرس لناس
انا انصدمت وقعدت ادعي ان الله يسترني ومايصير لي زي اللي صار للعروسه اللي في الشريط
وزوجي طول الطريق يقول متى نرجع لرياض عشان نتفرج<<متحمس مآدرى وانا اصرف واقول الشريط اخترب الصوت مو واضح
حرام يشوفهم الشريط واضح فيهكل شي العروسه كان لون كوشتها برتقالي ومكياجها وخواتها يرقصون عندها واخوانها بعد وابوها وحريم كبار في السن وبزارينهم
شكل زفتها كانت عائليه
المهم رجعت بعد شهر العسل واتصلت عليها وقلت لها تعالي
وجتني في البيت وشغلت الشريط وانصدمت <<<وجهها صار الوان
قلت انا اقدر اتصل على اهل العرس واقولهم على الشريط مو حرام عليك هاذي اعراض مسلمين حرام
والله لو اني ماآخاف من الله كان فرجت اخواني وزوجي على الشريط
اونشرته في النت الحمدلله طاح ف يدي
وقعدت المصوره ترجف وتقول سمعت الاستديو ومآدري ايش
وقعدت تترجاني وانا رحمتها وحلفت لي انه غلط من العاملات اللي في الاستديو
اعطوها شريط مو جديد<< انا وش ذنبي وش ذنب العروسه المسكينه
المهم
روحت معاها للاستديو عشان تمسح العرس اللي كان في نهايه شريط زواجي
وتوبه توبه توبه اصور ثاني


ذي تجربتي وحبيت اكتبها لكم واحذركم من التصوير ويشهد علي ربي اني سترت العروسه واهلها والله يسعدها ويستر عليها
اللي شاكه في نفسها تراسلني على الخاص عشان انا بقولها على اسم القاعه والتاريخ واليوم..
الرسول صلى الله عليه وسلم مانهنى عن شي الا وفيه مصلحه انا عارفه فيه كثير منكم بيلومني بس خلاص
اللي صار صار والكلام ذا من خمس سنين..


جوري بنت خالد
89
7K

يلزم عليك تسجيل الدخول أولًا لكتابة تعليق.

تسجيل دخول

** نـــازك **
** نـــازك **
الله يستر على المسلمين ...
ما فكرت اجيب مصورة بزواجي ماش ما ارتاااااح
ام دررر
ام دررر
مشكوره اختي على النصيحه
فكتوريا2009
فكتوريا2009
الله يستر ع المسلمين
ام ولوفه1
ام ولوفه1
الله يجزاك خير يااختي والله انك بنت رجال والله يستر عليك دنيا واخره ويوفقك بحياتك ويكثر من امثاااالك

وشكرا على النصيحه
ام ناصر 77
ام ناصر 77
جزاك الله خيرا
بصراحة انا عرسي 2003 شريت كاميرا خاصة لي وجبت مصورة تصورني منها لاني اخاف من المصورات وتحط شريط صغير تنسخ عليه بنفس الكاميرا