متزوجه قريب و ..

سلام بنات انا متزوجه تقريبا صار لي ست شهور واجهت عدة مشاكل باول زواجي بقول لكم على شخصيتي اولا انا هاديه جدا خجوله صبوره انطوائيه نوعا ما حساسه جدا بيوتيه ماعندي ثقه بنفسي مع اني ولله الحمد ماينقصني شي والكل يمدح فيني عندي كبرياء فضيع لدرجه  اكابر على حساب نفسي وصحتي غامضه كتومه جدا مستحيل افضفض لاحد حتى امي واقرب الناس لي وهالشي مره متعبني المهم انو زوجي على العكس شخص اجتماعي يحب السوالف جريءصريح وواضح ومايكتم شي بقلبه اناني نوعا ما دايم يجرحني💔 للاسف ولا يحسب حساب لمشاعر الي قدامه على عكسي تماما عنيد المهم انو ببدايه الايام واجهنا تصادم لاختلاف الشخصيات وصارت مشاكل لان لا هو فاهمني ولا انا بس متاكده مع الايام بنفهم شخصيات بعض ونعرف نتعامل معها المهم من كلامي هذا كله الي تعرف لبورصه الشخصيه تعلمني وش انا و وش هو لعلي اعرف اتعامل معه والاهم من هذا كله اني الى الان مانطقت ولا قلت له كلمه حلوه حتى حبيبي ماقدرت اقولها استحي للاسف  حتى بمسج 😔 ومستحيل ابادر احضنه او المسه او ابوسه ودي مثلا اذا اشتقت له اعلمه واقول اشتقت لك او احضنه بس ماقدر ودي اتقرب منه واذا نمنا احضنه مع انه يبي هالشي ودايم يقول لي ليش تتهربين مني بس اذا فكرت اقرب منه اخاف يبعدني او يدفني او شي عادي عندي اكتم مشاعري واسيطر عليها بس ما اتعرض لموقف محرج لاني عارفه ابنجرح شخصيتي انا ما الصق باحد ابد ولا ابادر لا بتصال ولا رسايل تعبت يابنات والله ساعات اقول زوجي وحلالي ولا عمري تقربت لمه او اقل شي احضنه اذا اشتقت له 😢 كيف اغير شخصيتي يابنات واصير قويه  اخفف من الحساسيه الي تاعبتني تخيلو يابنات اذا قومته من النوم ونفخ علي اقعد اصيح ودموع اربع اربع ليش ينفخ علي 😭