متزوجه ليش دائما تذكرين سلبيات الزوج !!

لاتدخلين وتقرين
يعني مب معقوله مافي حولك نماذج لزواج ناجح
مافي انسان كامل كل شخص له عيوب وحسنات
وكثير يخشون اطباع زوجه الحلوه يخافون من العين او انه يتغير عليهم فتشوفينهم كله كتحلطمين
لاتتشاومين اصلا مابعد يجي نصيبك لو ربي كاتب لك تتزوجين شخص لو الامه كله رافضه بتتزوجينه
ادعي ربك يرزقك الرجل الصالح ذو الخلق والديت

هههه نفس تفكيري مع اني اعاني من عرقله .. نوعا ما بس الحمد لله شايله فكره الزواج من راسي . خلاف امي تعدد الي كبري كم بزر معه .. افهمه الفرق الي بيني وبينهن وعجزت . الحمد لله عايشه حياتي نوعا ما .. كمان دخلت الاسريه بستفيد كرهت الزواج اكثر ... اللهم صلي على محمد صلى الله عليه وسلم

الحياه الزوجيه مثل حياتك عند اهلك فيها ايام حلوه وايام مره !
واغلب المتزوجات يكتبون عن المشاكل بالايام المره هذي بحثا عن حل او دعوه لكن وقت الوناسه اكيد مارح تقولين انبسطت مع زوجي ورحنا وجينا لان هالاشياء ماتهم احد
فأنتي غالبا تشوفين الوجه الاسود وتتوقعين كلها كذا اكيد لا
الله يرزقك الزوج الصالح اللي يخاف الله فيك يارب

حبيبتي المشاكل الي تصير بين الزوجين ملح الحياه
يعني لابد من المشاكل عشان تتجدد العلاقه بين الزوجين ومن وجهة نظري تقوى اكثر..
انا عني حياتي عند زوجي احلى بمليون مره من حياتي
عند اهلي رغم سلبيات زوجي بس الحمدلله راضيه
فيه وحامده ربي اني متزوجه

بعض النساء تبالغ في الذم والسلبيه وهذي سالفتها بكل مجلس تقعد تتشكى من زوجها على اشياء مالها داعي ( انا حاره وهو بارد وانا اسوي واحط وانا اشيل البيت وانا وانا وانا وانا ) لدرجة تحوم كبدك منها واول ماتبدى تتكلم ودك تقولين لها تكفين اسكتي عارفين وش بتقولين وحافظين كلامك الدائم وطبعا الواضح في هيأتها ووضعها ان حياتها تمام التمام الحمدالله فاماادري هو السب والسلبيه عشان تبعد العين ولا حب مظهر الاضطهاد ولا ايش بالضبط هذي لا تاخذين منها شي ولا يصير لها تاثير عليك الحياة الزوجيه عادي حلوه وشينه المهم تعيشينها برضى وقناعه واخلاص بانك تطورينها وتحسنينها ميزة العلاقه الزوجيه انو مافي تعقيدات العلاقات الثانيه شخص تعيشين معه بوضوح ومافي اي حدود بينكم اكثر شخص يعرفك زين وتعرفينه زين مافي تصنع ولا مجاملات ولا شي الحياة تكون حلوه اذا احنا اقتنعنا انها جميله وسعينا في ايجاد الجمال هذا بحياتنا تمر ايام تعيسه ايام حزينه مشكلات لكن مانخليها عائق قدام سعادتنا وتواصلنا الايجابي