السلام عليكم
انا متزوجه من 25 سنه وفعلاً مالقيت السعاده ولا شفت الموده والرحمه اللي اوجدها الله بين الزوجين تزوجت وانا بزر 16 سنه دخلت على بيت زوجي وانا مثل العجينه شكلني بالشكل اللي هو يبي ورباني على طريقته الين صرت ذليله له وأخاااااااف منه.. هوعصبي وبخيل ومنعزل مايحب الناس ولا الاجتماعات وانا عكسه تماماً قضيت كل هالسنين معه اخدمه واخدم اهله ومعتبرتهم مثل اهلي واهله للأمانه مثل العسل خالتي مثل البلسم الله يطول في عمرها تخاف الله ومن حالها في حالها ماتحب تتدخل بشي و اخواته الله يجزاهم خير ماشفت منهم شر مسالمات ماعدا اخواته اللي اكبر منه عانيت منهم الله يسامحهم وانا كنت لهم مثل بنتهم بس مشكلتي مع رجلي انسان جاااااااف قاااسي سبحان الله طباعه صلفه ان كان علي او على عياله وزعوووول زعول يزعل من اقل شي المهم صبرت على بخله وحكارته وشين نفسه
وسلاطة لسانه وتسلطه ودكتاتوريته وغروره الين خلاص تعود كل يوم وهو زعلان وانا من خوفي منه ومن المشاكل وخوفي على نفسية عيالي اجي على نفسي واروح اترضاه ابيه يرضى ابد يجلس يسفل بي ويتغلى علي وبعض المرات يمد يده علي وكنت صابره ومتحمله ابي هالحياة تمشي وكل مره اقول يابنت اصبري علشان العيال ولا عندي ملجأ لي بعد الله اهلي ان تقبلوني ماقبلو عيالي واصلاً اهلي صعبين والحياة في بيت اهلي صعبه جداً جداً فكانت كل هالاسباب مانعتني اني اطلع من عنده مرت علي 25 سنه وانا اعاني بصمت قدام الناس شخصيه قويه واضحك واسولف وانا من داخلي مكسوووور وحزن ولوعه واحس بفراغ عاطفي خصوصاً اني بطبيعتي انسانه تقدرون تقولون رومانسيه او شاعريه واحب الكلمه الحلوه واحب الحوار وهاديه بطبعي وفي المقابل رجال جااااف بمشاعره وبكل شي وماعنده تفاهم .. الحين انا في الاربعينات وعيالي شباب وبناتي كبروا الله يحفظهم وبدت صحتي تنهار والشيب غطى شعري ونفسيتي في الحضيض راح شبابي وانا اخدم واغسل وامسح واسهر واطبخ وانفخ واراضي بهالرجال الين خلاص فقدت صحتي وفقدت المتعه بالحياة معاد يفرحني شي .. ايه نسيت اقولكم تصدقون من اول ولد لي وزوجي الحبيب طاردني من غرفة نومي وش حجته يقول مااعرف انام وحولي صغار اخاف يقوم يصيح بالليل ويزعجني وجلست كل هاالسنين وانا بدون غرفة نوم مره انام مع البنات مره في الصاله اغراضي وملابسي اجمعها بأكياس او كرتون ومازلت على هذا الوضع لحد الأن رغم اننا سكنا في بيت ملك لكن مازال متمسك بغرفة النوم له لوحده !! و لاتحسبونه فقير لاااااا عنده من الأموال اللي تغطي عين الشمس بس مثل ماقلت قبل بخيل واناني مايفكر الا بنفسه وبراحته
و يعايرني حتى باللقمه اللي اكلها الشكوى لله
و بعد كل هالسنين وصبري عليه وعلى شقاه مازال على طباعه القشرى ماقدر كل هالعشره ولا قدر ظروفي الصحيه ومازال يهزئني كأني اصغر عياله اذكر من فتره تعبت في الليل والعيال طالعين ومافيه في البيت الا هو واضطر يوديني المستشفى وكنت تعباااانه والله انه جلس يهزئني في المستشفى قدام الرايح والجاي علشان سبب تااافه ليش اطلع من غرفة الكشف واروح لغرفة الانتظار وانا مااستأذنته وهي كلها بجنب بعض مسح فيني الارض قدام الناس ويوم وصلنا البيت الا هو منتفخ زعلان وانا ماني قادره اصلب طولي من التعب واجيه واتأسف منه واترضاه واحب راسه وهو يهاوش ويلطلط واروح لفراشي وانا دموعي تصب امشي اتسند على الجدران من التعب وانهرت من الصياح كان نفسي يكون ماسكني ومتسنده عليه ااااااه شعور قاسي اذا لقيتي نفسك بعد العمر والعشره لحالك ماحولك احد !! قلت في نفسي اذا ماداراني هالحين وانا بهالعمر وبهالظروف متى بيداريني وهو اذا تعب اااااه والله مانام الليل اخدمه واراعيه واحوفه حوف وهذا غيض من فيض مثال فقط على حسن تعامله معي !!
المهم الأن حصلت مشكله تااافهه من 4 شهور تقريباً وانا ماأزكي نفسي لاوالله لكن مالي فيها يد سوء تصرف منه لكن هو دائماً يحب يعلق اخطائه على اللي حوله وانا في المقدمه طبعاً وتطاول علي بالكلام وكان يبي يضربني لو ماامسكوه العيال وانا ساكته مارديت على كلامه ولا تعودت ارد عليه الان هو من 4 شهور مايكلمني ولا يجلس معنا ياكل لحاله ويتقهوى لحاله ويحرص انه مايشوفني ولا اشوفه انا خليته هالمره مارحت اراضيه قلت خلاص مليت الين متى وهو يخطي علي واروح اراضيه الين ماصار لي قدر ولا قيمه عنده ولا حتى عند نفسي حتى عيالي يقولون يمه اتركيه لا تراضينه انتي ماسويتي شي ولا لك ذنب عودتيه خليه الين يرضى من نفسه وهو معاند مايبي يرضى من نفسه يبيني اجي كالعاده اطيح على راسه واترضاه وانا تبون الصراحه خلال شهور الزعل مرتاحه منه لايشوفني ولا اشوفه حاط حرته في البنات هواش وتهزيء ! بس برضه زعلانه على نفسي وخايفه من ربي ان علي ذنب حتى صلاتي اصليها واقول في نفسي اكيد ربي ماهو قابلها لأني مزعله زوجي واخاف اذا تأخر اقول عسى مايجيه شي يموت او اموت انا وهو زعلان وانا يشهد علي ربي من فوق سبع سموات اني حاولت ارضيه بشتى الطرق وماني مقصره لافي شغل بيت ولا تربية عيال وحتى وهو زعلان قايمه بكل واجباته وبكل البيت ولاهوب عاجبه وانا الله عالم بصحتي بس دائماً عندي النفس اللوامه واخاف من الله في كل شي انا ماأحبه لكن ارحمه ومااقبل اي شي يمسه او يضيق صدره لأني باقيه على العشره صح انها عشره مره بس عاد هذا النصيب والحمدلله ووالله ماأمدح نفسي كل اللي يعرفونا واهله يقولون لي وله ماتلقى احد مثلها ولا تلقى احد يصبر عليك زيها لكن سبحان الله الدنيا حظوظ .. الحين اخواتي محتاجه رايكم اجي على نفسي واروح اراضيه بعد كل هالقطيعه 4 شهور مافكر برمضان جا وراح وهو على حاله وجانا العيد وهو برضه منتفخ والسالفه سخييييفه ماتسوى كل هالزعل!! ولا اسمع كلام عيالي واطنشه الين يرضى من نفسه لأني والله تعبت ونفسيتي تعبت قسم بالله اني محتاجه لدكتور نفسي لأنه بعد كل هالسنين دمر نفسيتي والصبر مل من صبري
بعد هالقصه شورو علي محتاجه اراء نيره وواعيه لأني احس ان افكاري مشتته وماعاد عندي نظره مستقبليه لأني محبطه انا اعتبركم اخوات انا ترى موجوده معكم لكن داخله من معرف بنت عمي
لاتخيبون ظني ابي آرائكم
:44:
البنـــ أم ـــات @albn_am_at
عضوة جديدة
يلزم عليك تسجيل الدخول أولًا لكتابة تعليق.
عسل سدر
•
الله يعينك ياختي كانك تبين الاخره وصبرتي عليه 25 عديها له بس لاتروحين تعتذرين وتذلين نفسك بس عيشي زي ماكنتي كانك تتقهوين معه خليك على طريقتك ونصيحه اختي انتي الحين طلعتي ببيت جديد لو منك اجهز غرفته واحط اغراضي وجهزي نفسك ونامي فيها واذا كان عندك صغار خليهم عند خواتهم واذا قال لك شي قولي له مابقى بالعمر كثر الي مضى وعيالي كبرو ونامي بغرفته واذا مااوفق قولي له انت اطلع انا تعبت من تشتت السنين خليكي حازمه معه بعض الرجال يحب الحرمه القويه ويضعف لقوتها الله يسهل امرك
الصفحة الأخيرة
اختي صبرتي واحتسبتي كل هالفتره احتسبي الاجر من الله وما عليك
كلميه وجهزي اغراضه بدون لا تعتذرين رسمي
خليه يحس انك موب شايله بقلبك عشان انتي ترتاحين
عديه من عيالك لا تدققين بعد هالوقت بتصرفاته
ترى هو اللحين منقهر لانه يشوف عيالك معك
عاملوه بالحسنى واصبرو عليه حتى لو ماتحسن ومازان اعرفي ان فيه رب يحسب لك كل هاذا اللي تسوينه
ودايما قللي الاحتكاك والاحتدام معه
والله يفرج لك ويسخره
كلامي موب مرتب بس ذكرتيني بناس اعرفهم نفس الوضع
وتقالمو الام وعيالها