اولا ممكن يكون مسحور والله اعلم ب اللي فيه
وانا عن نفسي ماالومك مثل البنات على انك تبررين لان اي بنت ماتتمنى الطلاق حتى لو زوجها سيئ تحس انها راح تنكسر لاكن ساعات الطلاق يكون سبب ان احنى نكون أقوى من قبل ويكون خير لنا
ياحبيبتي اذا قلنا مسحور وعذرناه مافي شي نقدر نقوله يبرر لاهله موقفهم السيئ وتشويه سمعتك بين الناس
كان الاولى يهدون الوضع عشان كذا الافضل لك تبتعدين عن عائلة مثل كذا ولعل يوم اعطاك الابرة خيره من رب العالمين لك
المره الثانيه الاستعجال سيئ كان الاولى إنكم تسألون عنه خاصه انه من خطابه مفروض هذا الشي يكون سبب أساسي في تمديد فترة الخطبه والسؤال


ثالث شي الشكل الخارجي ابد مو دليل على التزام او غيره
قد يكون عاده وبعضهم اذا حلق يسبب له تحسس عشان كذا يتركها
لاكن احنى ماندخل بنية احد وقد يكون إنسان سوي لاكن مسحور مو دليل ان العائلة اذا سيئة الابن مثلهم
لاكن كل شي يثبت لنا ان الطلاق افضل لك بجميع الحالات
المحكمه راح تخليه يطلق لاتكلمونه هم يتصرفون
ولاترسلين شي عندك اخوان وأب يتصرفون انتبهي ترسلين شي..

حسبي الله ع ذا الاوادم

ايش تحبين فيه ،ربي يهديك، استخيري الله قبل كل شي

انا بنبهكم ع حاجه اذا نمتي وانتي متضايقه
من شي او تمرين بظروف
بقولكم لا تحكمون ع الأحلام اللي تشوفونها
وقت نومكم
انتي نمتي وانتي متضايقه من حضره لك بالواتس ونمتي متضايقه من اسلوبه
طبيعي بتحلمين بإشياء تغثك وتضيق صدرك
وماانصح وقت انك تكونين متضايقه وتشوفين حلم وتروحين تفسرينه
لأن وقت الضيق ووقت المشاكل تتعب النفسيه وتكثر الاحلام اللي تضيق الصدر
والشيطان حريص
وبنسبه لموضوعك زوجك مافيه حسنه وحده تستاهل انك ترجعين له
ادعي بسجودك ان الله يفكك منه
ولو عمرك 100 وخلصوا رجال الدنياء هاالاشكال مايعاش معها دقيقه وحده
الله قادر يخلصك منه بس اصدقي بدعاء
تضرع وخشوع وحسن ظن بالله وبإذن الله
ابشري بالفرج.

اجل صدقيني مافيه ولاسحر وهذي طبيعته ومسوي انه مطوع عشان يخفي عيوبه ولمن يقذف اخواتك لان تفكيره كله انه البنات كلهم والحريم قليلات ادب زي اللي يكلمهم فهمتي فشيلي من راسك فكره انه مسحور

للمعلوميه كل اللي يتزوجو احد من بعيد مايعرفوه في اقل من شهر او شهر اعرفي وراه شي يسوون كل شي علئ عجله عشان لاتاخذون وقتكم وتسألون عنه بنت خالي كذا تزوجت واحد في شهر مانعرفه بس وافقو عليه عشان اخوه مع اخوها مطاوعه وكذا وطلع حق مخدرات ويسكر عندها سبحان الله اخوه مطوع من جد والثاني حق خرابيط فرق كبير بينهم وتطلقت ماعاشت شهر ورجعت فكري زين والحمدالله انه اهلك في صفك