متزوجه وعندك اطفال ,,,,,,,اذا,,,,,,ادخلي

اول وحدة ترد :D


انا لي 6سنوات متزوجه ماشاء الله

عندي طفلين بنت5 سنوات وولد3سنوات

مهتمة بنفسي بس موكل يوم اتكشخ بعدين بيمل مني ابو الشباب يعني البس عادي ملابس بيت بس مرتبه


وكل فترة وفترة اتكشخ على سنقة عشرة واسوي يوم رومانسي


وتقريبا ماحد يجينا لأننا ساكنين في منطقة غير منطقتنا والغريبة ان مافي احد يحب يتعرف


والحمدلله زوجي وعيالي مالين علي البيت ومشغولة معهم

احس اني قعدت أحكي قصة حياتي

ادعولنا ننقل منطقتنا اشتقتلها

انا صار لي 9 سنوات متزوجة وعندي بنتين :04: وحدة 4 سنوات وحدة سنة ونص لاني تأخرت بالحمل الحمد لله

قبل لا يجوني بناتي الحلوين اكيد كنت اهتم في كشختي اكثر :33:, من مكياج وشعر ولبس , بس لم جبت البنات بعد اكشخ بس مو مثل قبل يعني في البيت البس ملابس مرتبة واهتم في شكل .

اما عن الضيوف ساعات احد يجي يزورني بس لما احد يزورني استانس واحب ادلع ضيوفي واهتم فيهم كانهم في فندق خمس نجوم :7_2_103v:

ام من ناحية اهتمامي في زوجي وعيالي للحين انا مهتمة في زوجي و مو مقصرة معاه في شي وبناتي اه اه اه اه من بناتي مجننيني مخليني امشي و حاجي روحي عفاريت :024::icon810::11retcherبس بعد بدونهم ماتسوى العيشة لا تقولون قصيت قصة حياتي

اما انا متزوجه صار لي 7 سنين تقريبا وعندي بنت عمرها 5 وولد عمره سنه و10 شهور وحاليا حامل توني بالشهر الاول
من ناحية التعدل والاهتمام انا بطبعى مزاجيه فساعات تحصلينى كل يوم متعدله ومتكشخه بمناسبه وبدون وساعات والله بالاسابيع مادري عن المكياج شي بس طبعا لبسي يكون بالبيت سنع وعدل يعنى العصاري بديات وتنانير وبرمودا وجينزات وبعض الاحيان البس جلابيات مو دايما لانه زوجي ما يحب الجلابيات مادري ليش المهم واكون حاطه مكياج ناعم وخفيف وعطر بارد وحلو وابخر البيت كل يوم خاصه قبل لايجي زوجي من الشغل واكون مبرزه الغده والعصير البارد والحلو عشان القهوه .. بس بينى وبينك احس انى انا وايد مقصره مع زوجي وخاصه في بعض الاحيان زوجي دايما يقول لي من جوا العيال لهيتى عنى وكله ما عند وقت بس انا اكذب عليه واكذب على نفسي واقول له بكره لين اكبروا باتفرغ لك عدل .... اممممممممم بعد شنو ياربي اقول لك اي بالنسبه عن الزيارات انا ساكنه في بيت اهل زوجي بس شقه لحالي برع يعنى بالحوش وام زوجي الله يصلحها ما تحب الناس ولا تحب احد يزورها فبناء على طلبها ماحد يجينى بس انا ازور هلى شبه يومي لانهم قراب منى وبس سلامتك.

متزوجة من أربع سنوات عندي بنت عمرها سنتين و5أشهر...قبل البنوتة أهون شوي تدري ليه؟لأن نفسيتي ماتكون كويسة الا اذا كان بيتي نظيف..فلو ذاك اليوم اليوم شايلة هم شي اعرفي اني اتكلم مع زوجي وبنتي بنفس شينة..طبعي كذا لحد ماينظف المكان
بالنسبة للعزايم قليلة بس اذا صارت غالبا تكون من المطعم

السلام عليكم انامتزوجة من اثنى عشر سنة ولي ستة اولاد ثلاثة بنات وثلاث ذكور ومضى من عامري ثلاثون سنة حياتي في بداية زواجي عسل في عسل لانني تزوجت الرجل الصالح الملتزم الذي يشاركني نفس المبدا كنت اتزين له دائما وابدا لانه شغلي الشاغل الى ان جاء وقت الجد والله يااخواتي تعب ونصب فالتربية اخذت حصة الاسد فعانيت كثيرا كثيرا وخصوصا ان بيتي كبير كثير الضيوف بطبيعة علاقة زوجي مع طلابه ونحن عندنا في الجزائر الزوجة هي التي تخدم بيتها ولا عذر لها ان قصرت الا اذا كانت مريضة الله المستعان والان خف عليا الضغط قليلا لان ااولادي يدرسون ولكن جاء ت مشغلة اخرى وهي التلقين والتربية الاسلامية فانا من تحفظهم القران وتراجع لهم دروسهم ضف الى ذلك اشغال البيت اما اهتمامي بنفسي فانا لااستعمل المكياج دائما ويكفي انني نظيفة وجميلة ولا ازكي نفسي ولي طلب عند اخواتي من عندها خبرة في التربية تفيدنا فما احوجنا الى التناصح وجزا الله خيرا من فتح لنا هذا الفضاء لتناصح االاستفادة

ا