متزوجه ومهمله نفسي

السلام عليكم
بنات ابي احد يفهمني او ينصحني انا متزوجه وعندي اطفال وزوجي راتبه خمس الاف وخمس ميه وانا مو سعوديه مثله خليجيه وكل راتبه ديون يصفي له تقريبا تسع ميه وانا الصراحه تعبت معاه وبس مالي الا اصبر والحمدلله والله يغنينا ويديم الصحه والعافيه علينا وعليكم المهم صرت من جبت اخر مولود قبل ست شهور سمنت وما يبي ينزل وزني من نفاسي ثابت والنفسيه زفت ويحطمني بكلامه وانجرح والصراحه ودي ودي انحف اول شي عشان نفسي وصحتي وثانيا عشان اقهره واعلمه اني اعرف انحف لان يقول كل ما اقولين بسوي رجيم ما تسوين ومع العلم اني ما اكل معهم بسبب انه يطالعني وانا اكل احس يحسب اكلي فصرت مااكل عنده فابي حل ودافع لي لان نفسيتي صفر ما بين بيت وما بين اطفال وما بين زوجي يعني بالعربي ما صرت اهتم بنفسي لا بدنيا ولا نفسيا والشعر صلعه واليدين والرجلين تكرمون متقطعات الي يشوفني يقول هذي مو ٢٩ عمره والله العظيم ما شاء الله تبارك الله كل الي يقربون لي وكبري يابلدي ما شاء الله عمرهن تقولين ٢٢ اما انا كرفتني الحياة والله ان شاء الله يعوضني الاجمل في كل شي واتمنى تنصحوني مع العلم اني يوم عند اهلي فيه خدم وتعبت بحياتي بعد ما تزوجت اني ما اعرف انظف ولا اشتغل بالبيت يعني يوم انظف البيت صح واسبوع دمشقه ويتهاوش معاي عشان انه مونظيف بالحيل لان تعبت ما ادري وش ابدي فيه نسيت نفسي انا وش الحل 🤍