متزوجه 00عندك اطفال 000ماعندك شغاله 00شرفي هنا

الأسرة والمجتمع

اهلين 0000موضوعي موجه للمتزوجه اللي عندها :04: وما عندها شغاله00من تجربتي الشخصيه 000 1-ودعي السهر نامي بدري واصحي بدري 2-صلحي الفطور بالليل ماله داعي قربعة مواعين من الصبح 3-لاتطبخين كل يوم 0000هذا ابرك الساعات عندك :icon28: بس لاتفرحين الطبخ فيك فيك 00وشلون 00انك تعتمدين الاكلات المفرزره سمبوسه محاشي كبب وغيره 00وتخصصين يوم بالاسبوع للطبخ مثلا الجمعه 00تقولين لزوجك ياخذ الصغار لاي حديقه وتحطين له قهوه وشاهي وفطاير وتمسكينهم الباب00ادخلي المطبخ وتكونين مجهزه المقاضي لكل طبخه وتشمرين عن ساعديكي وتبدين تسوين صينية مكرونه بشاميل صينية مصقعه لازانيا تسوين باميا باللحم والبطاطس وتسوين مرق صياني خضاروفطاير كل اللي تبينه ولما تبرد الطبخات 00 تحطينها بصياني قصديرمن ابو ريالين الكبار عرفتوهاوعلى طول بالفريزر000وتكونين حاطه جدول كل طبخه لها يوم 00اذا جاء وقت الغداء بس تسوين رز ابيض مع تسخين طبخاتك الفتاكه 00وتصدقون لو اقدر القى طريقه للرز كان فرزرته بعد 00هنا قللنا كمية مواعين طوال الاسبوع 00وريحناك من الطبخ كل يوم 00000بعدين ترى قاهريني 00ليش ماتشترون غسالة مواعين وتفكون عماركم 4-حددي يوم للغسيل موكل ما طاح شي غسلتيه 00لا 00والف لا عشان تستمتعين بحياتك موبس كرف 5- ثياب زوجك البيض عند الكواي والداخلي وزعيها على الجيران ههههه لابرضوا خصصي ساعه واحده فقط00 لاغير00 كل يوم للاشياء الضروريه 6- خصصي ساعه لجمالك سيدتي 00لانك اذا صرتي شيفه وتروعين ماحد نافعك 00واولهم زوجك 00راح يشوتك باقرب فرصه 7-مايبقى الا الحمامات وانتوا بكرامه تغسلينها من قلب مره او مرتين بالاسبوع وكل يوم بس ترشينها بديتول يعني ارتحتي من الحمامات كل يوم 8-الغرف والصاله تخلين لها يوم وتنظفينها تنظيف عميق وكل يوم بس ترتيب 9- المجالس مره بالاسبوع وكل فتره تشيكين عليها 10-الحين نجي لاطفالنا اكبادنا 00مافيه حل الا انك تجمعينهم بقفص وتسكرينه ههههه000 ياحلوه هذولي مشكلتهم مشكله بس عندي الحل 00طلعت ابو الحروف 00مالك الا تنظمين نومهم تقومينهم من الفجر وينامون مع اخوانهم اللي يدرسون عشان يطلع البيت من العشاء هاااااااااادي ورايييييييق 00وتلقين وقت تخيطين هههههههه لاتصدقين تلقين وقت لك و لزوجك تسولفون وتدلعينه وتتباحثون بقضاياكم الخ 0 هذي طريقتي اللي جابت نتايج فتاكه 00بعد خبرة دقايق وساعات وايام 0000ارجو انها تفيد كل واحد ه حايسه بهالدنيا القاسيه بدون شغاله 0
61
5K

يلزم عليك تسجيل الدخول أولًا لكتابة تعليق.

تسجيل دخول

ٌRoro
ٌRoro


يوووووووووه متى بس يتعدل حالي وانام واصحى مثل خلق الله
كل ماحاولت اعدل في نومي من ثاني اسبوع ارجع للسهر :(
@فجر الغد@
@فجر الغد@
جزاك الله خير
الله يعين الكرف ورانا ورانا
جالكسي999
جالكسي999
الله يعين
انا لسا ماعندي اطفال
واحس مافي وقت
(زوجة الشامخ)
(زوجة الشامخ)
الله يعين كرف بكرف فطور غداء قهوه عشاء من غير المواعين و التنظيف والبزارن
ما اقول الا الله يرزقنا باام غلله
ااام نايف
ااام نايف
تعبـت ورب البيـت اني تعبـت البيت مسوليه والاطفال بعد. ومافيـه احد يرحـم، والله اني اشتغل ونا دايخه وبالاخير يجي زوجي يقول ماعندك شغل.. اصلا فاضيه من كثر الاشغال لي عنـدك.. ياشيـخه مافيه اـحد يقدر