متسلطة علي حسبي الله عليها

السلام عليكم ورحمة الله وبركاته
فيه وحده من معارفنا كل ما شافتني تنتقدني وتجرحني بالكلام حسبي الله عليها مدري وش فيها علي رغم انها كبيرة مو من سني بنتها اصغر مني بشوي يعني انا كبر بناتها بس مدري وش فيها علي
اذكر مرة من المرات كنا مجتمعين في استراحة وكنت اتقهوى وجنبي ولدي واعطيت ولدي بلح الشام وهي تقز من بعيد وشوي واقوم من على السفرة بروح اغسل يديني ويد ولدي وانا ماشية امر من جنبها جات ومسكتني وقالت لعاد تعطين ولدك حلى مو زين الحلى ومحاضرة طويلة عريضة رغم اني اعطيته حبة اللي يسمعها يقول اني فقعته بالحلى وولدي كان وقتها عمره سنه وصحته زينه
ومرة كنت ارضع ولدي بالرضاعة شرب نص وباقي شوي وراح يلعب بعدين رجع كمل الرضاعة قامت قالت لي لاعاد تكثرين له الحليب يكفي رضعتين في اليوم
وفي العيد اللي فات كان ولدي لابس بنطلون سكيني ضيق يوم شافته قالت لا عاد تلبسين ولدك ضيق مو زين يحجر الدم ومدري ايش وبعد انا كنت لابسه قصير شوي وعليه كيلون يعني ساترة قامت قالت لاعاد تلبسين قصير مو حلو عليك الطويل احلى وكلام كثير وحتى اولادي تتحكم فيهم كأنهم اولادها مو اولادي مرة بعد كنا في عزيمة وولدي الصغير توه يمشي وفي مدخل البيت فيه درج قامت اخذت ولدي عشان لا يطيح نزلته في الحوش والجو برد قمت اخذته ودخله داخل قامت تقول لي خليه يلعب قلت لها لا برد وتزن علي الا اخليه في الحوش قمت اخذت ولدي وطنشتها وحتى يوم نتعشى تقول لي عدلي جلستك طبعا انا جالسة على ركبي وتبغاني اتربع حتى في جلستي تتحكم وبس تراقبني انا واولادي طفشت منها وش السوات مع هالنوعية من البشر