متضااااااااااااااااااااااااايج ه

طيب التمسي لها العذر اولا يمكن مع الخوف والربكه نست ولا ماخذت الجوال او زوجها قال لاتخبرين اي احد الا لما تولدي اوماتبغاك تخافين وتقعدين متوتره الا ان تولد

اختي يمكن هالشي صح يضايق.. بس و الله يوم جتني الالام الولاده و يوم ولدت ما ادري وين انا فيه و لا وش الدنيا عليه .. مت و ربي احياني من غير التعب و الخياطه اووف تذكرت.. يا رب مغفرتك..

بالعربي ما كنت واعيه بأمي اللي جنبي عشان افكر بصديقاتي .. اختي خذت جوالي و ارسلت للكل و بدت الاتصالات و امي تلقتها و بعضهم باركوا و قالوا نكلمها اذا صحت ان شاء الله .. و قتها كنت صاحيه بس مالي خلق اتكلم من الالم انتظرهم يعطوني مسكن عشان الم الخياطه.. و باليوم الثاني بدت عيوني تفتح الحمد لله و حسيت بالناس فبدت الزيارات و وقتها بديت اتذكر كل من يعز علي..

و حتى بهذيك اللحظه كنت بس ابي اجلس لحالي من التعب.. بصراحه الوالد يبي لها اسبوعين او على الاقل اسبوع راحه من غير زيارات او اتصالات و الله مو داريه وش الدنيا عليه من الم و شقا بالطفل و خاصه البكر كل شي جديد عليها نظام حياتها تغير .. نومها اكلها شربها مع كل ألمها من غير العنايه بالطفل و ترضيعه و تقلصات المعده اللي تجيه بالبدايه.. كل هذا يبي له تكونين لحالك مو كل شوي جايه وحده و يقولون لك جت فلانه اطلعي لها .. و فلانه بتشوف الولد و هاتك يا تلبيس و جلسه على الكنب لساعات احيانا و انتِ بقمة التعب و الألم من جروحك..

حبيبتي تذكري الولاده و حطي نفسك مكانها ..يمكن ولادة صديقتك كانت عسره .. ما تدرين وش ظروفها ..
اذا تغيرت عليك من بعد النفاس هنا السؤال اما خلال هالفتره ارجوك لا تلومينها..

اللي عليك تأدية الواجب .. و ممكن تعاتبينها انها ما كلمتك بس بتقولك مثل ما هو متوقع الولاده صعبه و مو حاسه بالعالم..

الله يسخركم لبعض يا رب