متضاايقه من اخت زوجي عجزت انام

السلام عليكم ورحمة الله وبركاته
بنات انا متضايقه حيل من اخت زوجي وراسي مشوش مادري كيف ابرد حرتي منها
قاههرتني انا يابنات لي 5 سنين متزوجه وعلاقتي بام زوجي زينه مره ام زوجي حرمه طيبه طيبه طييييييبه بالمره اعجز اقولكم ولااوصف طيبتها تداريني وتحبني وتشيل همي وتحب عيالي ماشاء الله
وحتى تهاوش زوجي عشااني والحمد لله والشكر
بس المشكله باخت زوجي زوجي عند اخت وحده بس والباقين عيال اخت زوجي ذي
اول زواجي كنت احاول اتقرب منها وودي نكون صديقات ادخل نفسي فيها واسولف عليها وهي دايما ساكته بس تسحبين منها الكلام اول ماتزوجت كنت اذا رحت عندهم يروحوون كلهم يجون
بالمجلس مع زوجي واجلس مرتزه لحالي بالصاله يجيبون لي كاس شاهي كني شغاله ولاجايه من فقر ولا يجيبون لي قهوه اتقهوى لحالي اتضايقت وصرت اتهاوش مع زوجي وازعل وتعدل الوضع شوي صار هو يجي يجلس معي بس متضايق ومرات يقول انا بجلس مع اخواني ودي اسولف معهم اقوله طيب خلني فبيتي ليش تاخذني معك خذو راحتكم مااعجبه يعيي قلت طيب خلاص انا اتغطى وهم يجلسون مااعجبه <<اخته المحروسه ماترضى يخافون منها تي ممشيتهم كلهم على امرها وتمثل دور الطيبه صافية القلب وهي النجاسه كلها فيها احسها تغار مني تحقد علي
تخيلو مره سافرت انا وزوجي برى تخيلو من ركبت الطياره مسكني اسفل ضهري الم الللم فضيع مايوصف ابكي اقول ماقدر اتمشى ولاشي خلاص رجعني الرياض والتذاكر والخساير تخيلو اخر شي صرت اتمشى بعصى زي العجايز مقدر امشي عادي رحنى لمستشفى هناك قالو مافيك شي سليمه ماعرفو السبب جلسنا اسبوع ورجعنا يوم رجعنا ليني طيبه مافيني شي واله ماشكيت انها يمكن تكون عينها ولاشي ابدا ولاظنيت ولا واحد بالميه بس من رجعنا والرجال منقلب علي راح لهله يكلمني يقول اختي فلانه مرييضه تعبانه نفسيا معها اكتئاب طب انا وش دخلني ؟؟؟
قال ماتطلع ماتروح ماتتمشى زيك يغشى عليها قلت طيب وش اسوي فيها الحمد لله ودوها المستشفى قالوو مافيها شي هنا شكيت ان وجع ضهري وحوستي كلها بسبت عينها
طبعا انا نسيت السالفه عيبي اني ياذوني الناس ومااخذ حقي واجلس الوم نفسي وانقهر اليوم الثاني انسى
تخيلو بنات قسم بالله اول ماتزوجت كنت اي شي اشتريه ويعجبها احلف عليها تاخذه احسها صارت تستهتر فيني تبت عقبها قلت بصير ادخل معها المطبخ اطبخ اتقرب لها احسها تتضايق حيل وساكته ومكشره المره الاخيره قلت انا بطبخ دخلت طردتني من المطبخ تخيلوو قسما ماغلطت عليها ولاشي مدري ليه كذا حاقده علي والله تضايقت طلعت قال زوجي شفيك قلت مافيني
شي وحتى خالتي حست بسسكت وماتعشيت ذاك اليوم انقهرت وتمنيت اني راده عليها
اخر ماطلعت فيه معي مرتين اروح لهم فبيتهم تخيلو تروح هي وزوجي يجلسون بالغرفه الثاني اكون انا بالصاله يروحون الغرفه يجلسون يسولفون المره الاولى قلت معليش
امس رحت لهم ونفس الحركه تروح هي وزوجي لغرفهه ثانيه وانا جالسه بالصاله تضايقت قلت
يمكن مايقصدون جيت دخلت اسككتو قلت شعندكم وانا اضحك قام زوجي نفخ قال مو شغلك ؟؟؟
سكت قال وش عندك قلت لا بس الصاله بارده وبلمت ماعرفت وشلون اتصرف انصدمت من كلامه
قامت طلعت طفت المكيف رجعت للغرفه قالت طفيت مكيف الصاله ؟؟؟ وش معناها طرده صحيحه يعني طلعي وزوجي سااااااااااااااااكت ولاكلمه قال
طلعت جلست بالصاله مقهوووووووووووووووووووووره نفسي اني شرشحتها علمتها قدرها
واني كيف معززه فبيت اهلي تكلمني بهالاسلوب
جلست متضايقه بالصاله مرره لين طلعت من بيتهم ركبت السياره قالي زوجي زعلانه قلت لا
مادري وش اقول عارفته بصف اخته في اي شي ولاابغاه يتضايق بس انا بداخلي مقهوره
قام قالي هي بس متضايقه بتفض فض تقول انا منحشره مالقى احد اتكلم معه واني قلت لها لاتضايقتي من شي كلميني امرك نتمشى تفضفضين لي بس وانها تستحي
منك ياسحر ؟؟؟؟؟؟ تستحي مني ولااستحت تطردني قدامه وهو ساكت
قلت طيب اذا تضايقت خلها تجي عندنا تغير جو وسكتت بس من داخلي محتره منها
لا وبعد عنده اخو يمكن عمره 15 سنه ومأذيهم شرراني وتقول لي انا وخالتي جالسين تزن على راس خالتي تقول خلي فلان ياخذه عنده بالبيت اذانا خووش يعني مزعجكم بترسلونه لي انا ساكنه بشقه صغيرره وين الدين وهي مانعه اخوانها يجلسون وانا متغطيه ؟؟؟
قالت خالتي والله لو فلان ساكن بفله ولادور ارسلته معهم نفتك وانا اسمع
وتلمح قالت ان الثاني الثاني عمره 14 او 13 تقريبا انه منجن بيروح معكم لبيتكم يجلس عندكم كم يوم تبني اقول خليه يجي انا سكتت ماقلت شي
وبالاجازه كنا بنسافر انا وزوجي وكل ماجينا عندهم قامو يقولون لزوجي اخوك فلان الي عمره 15 طفشان يبغا يسافر زهق بيروح معك تخيلو يبونه يسافر معي انا وزوجي وانا اتغطى عنه
اخر شي قلت عشان ماازعل زوجي ولااضايقه ماراح اقوله شي لانه كلامي مايقتنع فيه بس بلغي فكرة السفر نهااائي قلت خلاص مانيب مسافره ولاقلت له السبب ولاشي سكت وانا مقهوره
وكل هاذا ادري انه من تحت راسها خالتي طيبه ولاتحب تضايق احد
بس انا بداخلي نااااااااااار مقهوره منها نفسي اتكلم افضفض مااعرف اتصرف اسكت واقهر نفسي وبس ساعدووني بنااات بحل ربي يسعدكم :(