متضايقة

بنات حواء العزيزات أنا بشخصيتي شي مضايقني مشكلتي إني حساسة زيادة عن اللزوم بس رغم إني حساسة مازعل الا من شي ينزعل منه ولا أتضايق الا من شي فعلا يضايق يعني مو حساسة تجاه مزح أو كلمة عادية
وأكثر يضايقني هالكلام إلي بكتبه لكم أنا عندي صديقة جرحتني بيوم من الأيام أكثر من مرة بس أنا أحبها كصديقة المهم إني ماقدرت أنسى هالجروح ولا قدرت أخليها مانسيت هالجروح مو يعني حاقدة وأبي أنتقم لا أنا مابي أنتقم منها ومسامحتها بداخلي بس كل ماتذكرت كلامها أبكي وأقول أنا ليش أستمر بعلاقتي مع بنت بيوم فكرت فيني هالتفكير وقالت لي هالكلام وفعلا أقطع عنها أيام وأرجع لها هالشي مضايقني مررررررررة مرررررررررررة

وشي ثاني إذا سمعت شي كذب أنقال عني أتعقد وأقعد أيام أفكر فيه وأتضايق لأن الناس فهمتني غلط وإذا سمعت أحد يسب الأسلام مثلا أنقهر وأتعقد وأتضايق ويصير هالشي معاي طول العمر أتضايق مرة من الشخص إلي سب لدرجة يصير مزاجي بالغالب متعكر

أبي أنسى وأرتاح ماني قادرة دايم أقول ليش الناس تجرح بدون سبب ليش العنصرية بالذات العنصرية هذي اتضايق منها مرة

أنا أدري كلامي مخربط بس أن شاء الله فهمتوني قولوا لي وش أسوي عشان ماأهتم بشي هالشي أثر على نفسيتي بشكل كبير صرت دايم قلقة وأفكر لدرجة نحفت من التفكير خصوصا اذا احد غلط علي وهو ظالمني أفكر وقت طويل