متضايقة اليوم .... مررره

كيفكم بنات... موضوع بخاطري من فترة مضايقني
ما عندي صديقات او جارات كل اللي في الحارة كبار في السن يجون عند ام زوجي وتروح لهم ما عندي الا سلايفي وانتو تعرفون السلايف ومشاكلهم
كل جلستهم فشخرة ومقارنات نفسي يكون عندي صداقات غير اهل الزوج عندي اخت من ابوي تزورني كل شهر او شهرين
قروب امهات صديقات بنتي حاولت اتعرف عليهم كلمت ثنتين يزورني ويتعذرون ما يبون يتعرفون ابد وحده منهم قالتلي انتي على نياتك مو تعزمين كل من هب ودب انحرجت من كلامها حسيت اني هبلة
اروح الويكند عند اهل زوجي بس سلفة ملازمتهم علطول عندهم وتضايقني بحركاتها وكلامها كرهت الجيه عندهم بسببها
احيانا يضيق صدري من هالوضع ودي اطلع عن البيت وجو المدارس مع ناس ارتاح لهم ونتبادل الزيارات
احس مالي حظ مع التعرف والصداقات الحمدلله ربي اعطاني نعم كثيرة بس دايم يضيق صدري من فترة لفترة بسبب هالموضوع


كلامي ملخبط مدري فيه وش الحل وفيه احد مثلي