متضايقة من أمي الله يصبرني بس 😭

متضايقة منها اه بس لهدرجة كارهتني وتحاول تبعدني عن اخواني ليش هالمعاملة لي كل باب مسدود بوجهي اهلي مو متحمليني ياليت ماعرفت هالدنيا ولا عشت الى هاليوم اللي اشوف التفررقه بيني وبين اخواني تظن فيني ظن السوء تتكلم عني قدام اللي يسوى واللي مايسوى تتكلم علي قدام أهل زوجي تحرش زوجي علي تدعي علي دعااوي تخوف حتى قدام الشغالات اهانتني ايام عزا ابوي ذلتني قدام الحريم بدون سبب تعصب تطلع حرتها فيني حتى الحريم ينظرون لي نظرة شفقة تمسكني وحدة تقول لو امي مثل امك بكرها ليش شمتت فيني الاعداء لا وتقولي لو ترجعين لي اطردك بالشارع حتى زوجي لما تصير بينا مشاكل يقول اهلك مايبونك اذكر اول ماسكنت ببيت زوجي سألتني عمتي تقول امك اتصلت عليك قلت لا قالت اخت زوجي ماصدقت امها تفتك منها هالكلام يقهرررني اذكر ليلة زواجي كانت معصبة وجت تهاوشني وتسبني وتدعي وتقول ماتبي تحضر وعمتي تحاوول تسكتها تقول بهذلتي بنتك وفشلتيها تدورين المشاكل انا سااكتة مارد عليها ياحظ البنات اللي لهم امهات حنونات وقلوبهم على بعض احس بحرقة لما اشوف البنات اللي بعمري كأنهم صديقات مع أمهاتهم وش الام اللي كذا لما اخواني يطنشونها تجي تتبلى علي تقول انتي اساس البلاوي وتحرشينهم وانا مظلوومة مهما اقولها ماتصدقني مانسيت يوم كنت بولد ببنتي جبرها اخوي تروح معي وهي تدعي علي وتسب قلت لها روحي بيتك ماني بحاجة لأحد اول ماجبت بنتي كنت بجلس عندها قالت لا روحي لبيت زوجك اللي تسبب لك بهالشيء يشيلك ماني مكلفة فيك ؟! وجلست ببيتي والحريم يسألون أمك مازعلت لانك مارحتي عندها ؟ مايدرون انها هي ماتبيني ليش أمي قاسية غير عن الامهات حتى أسلوبها وطريقة كلامها معي كأني عدوتها مو بنتها حاولت اتقرب منها بس للأسف تكسحني وتفشلني بكلامها كلامها سم وتتهمني تقول انا قاسية مابكيت على أبوي وانا اكثر وحدة تعبت وانصدمت بوفاته كأنه حلم ماتحس فيني اول ليلة مات ماقدرت انام طول الليل افكر ماستوعبت موته وهي واخواني نايمين وربي هذاك الايام من اسمع سيارته مع اخوي افكره ابوي واتذكر انه ميت واحلم انه يكلمني ويقول مامت اصحى بفرح واتذكر الحقيقة المره لما تعودت واستوعبت الى الحين رقمه ماحذفته ومفصول وصار له 8 سنوات متوفي لاقلت لها سويت له سبيل صدقه تتريق وتكلمني بستهزاء وسخرية واقول لأخواني ليش نسيتوه ماتتصدقو عنه 😭 تضحك تقول ابوك مابينفعه الا عمله اللي قدمه بالدنيا تخيلووا اول ماخلص العزاء طلعت ملابسه من الدولاب وترميها تقول خلاص مات انقهرررت حتى صوره شالوها ومدري وين ودوها اه بس كل ماتذكر تدمع عيوني وبعد ماخلصت العدة راحت تتسوق وتلبس بسهوولة نسيت العشرة وتقول خلاص انتهى حق ابوكم علي ماقول غير الله يسامحها ويهديها خلت اللي يسوى واللي مايسوى يتشمت فينا شفتوا امهات كذا 😭