ان شاء الله مع السنة الجديده اكيد كلنا عندنا طموحات انو نبيد النحافه ونطلع بنيو لوك نبهر فيه الناس
ماابي اطول عليكم بس كلنا استخدمنا او ناوين نستخدم خلطة حلم بلا تفسير ولاحظت فيه بنات متضايقين من طعم الحلبه
وحبيت اطرح لكم تجربتي اللي استفدت عليها
انا ماعندي مشاكل مع الحلبه الحمد لله متصالحة معها :icon28:
بس جربت طرق اخرى من باب التغيير بحيث اني اكل الخلطه لحالها والحلبة لحالها كيييييييف؟؟؟ انا اعلمكم
اولا:: الحلبه مع العصير
تاكلين الخلطه بعدين حطي ملعقة حلبة مطحونه في نص كاس عصير راني خوخ واشربيه بسرعه مو تشربينه وتتطعمين الطعم.. لالا بلع ابلعي بدون تفكير ههههههههههههههه
او عصير منقا او اللي تبين
طيب ليه نص كاس؟؟؟
عشان ياحلوه بسرعه ينشرب وماتتقرفين من الطعم
ثانيا:: الحلبه + الزبيب الاسود
طبعا اغلبنا عارفين فوائد الزبيب الكثيره... انقعي مقدار قبضة يد من الزبيب الاسود في 3 كاس ماء او حسب ماتبين انقعيه لمدة ليله بعدين حطي الماء والزبيب في الخلاط وضيفي شوي فيمتو عشان الطعم واخلطيه وبعدين كل ماجيتي تاكلين خلطة حلم صبي كاس وضيفي ملعقة حلبه ويالله اشربيه
انا عن نفسي اخذت زبيب اسود يمني من العطار
ثالثا :: حبوب الحلبة
وهذي موجوده في ارمال جي ان سي
بعد ماتاكلين الخلطه خذي حبتين يعني 3 مرات خلطة حلم في كل مره تاكلين حبتين
رابعا:: الحلبة العجيبة
للمعلومية وللامانة انا توني اشتريتها مابعد اجربها بس اول مااجربها بكتب لكم.. اشتريتها من العطار وقال لي انها زينه ماتطلع ريحة وهذي صورتها وهي انتاج يمني
مكتوب عليها بدون رائحه بعد التناول وهي كيس من داخل فيه حلبة مطحونه راح اجربها الاسبوع الجاي باذن الله
طبعا ماننسى كاس اللبن بعد ماناكل الخلطه .
انا شخصيا قبل اللبن اشرب سحلب مره عاجبني وتراه يسمن لانه عباره عن دقيق ازر ونشا يعني سعرات حراريه(( سحلب من الرفاعي)) حطيت معه سمسم وجوز هند ولوز مبشور احط الابريق ع النار مع مويه واحط ملعقتين من خلطتي للسحلب وحليب واخليه يغلي مع شوي سكر واشربهم
يعني خلطة حلم + سحلب بالمكسرات = سعراااااااااااااااات وابشروا بالخدود
اذا فيه مجال شربت بعدهم كاس لبن
نجي لشي مهم ............ رائحة العرق..................:44::09:
وهذا اللي يكرهنا في الحلبة
انا شريت صابونة ديتول اللي عشبيه بالاعشاب او اللي مكتوب عليها كول وكل ماحسيت في ريحة على طول اغسل الابط يعني مو شرط تتحممين يالغاليه اغسلي المنطقه وارتاحي
وعشان مايتحسس الابط من كثر الغسيل.... اشتري مزيل عرق بيزيلين مكتوب عليه للتبيض وللبشره الحساسه تراه زين يابنات يفتح وينفع للبشرة الحساسه
ونفس الشي اغسلي المنطقة الحساسه بصابون الديتول وبكذا بنسفيد من الحلبة بدون ازعاجات
وعلى فكره الحلبه تصفي البشره وتبيضها انا الحمد لله صفا وجهي كثيييييييير وطلعت لي خدود تجنن :icon28:
وطبعا خلطة حلم تؤكل 3 مرات للاستفادة القصوى
ويالله يابنات علموني بتجاربكم والله يوفق الجميع