متضايقة من زوجي .... عشمني ودحين شوفوا ايش قال

بدخل في الموضوع على طول

العام طلبت من زوجي نسافرللخارج في اي دولة

وقال : اوكي اذا ميزانيتنا تسمح مافي مشكلة ... بي ما كان في نصيب

اننا نسافر لأنة ظروفه المادية ما تساعده

واتنازلت عن السفر : مع اني مشتهية اسافر


المهم هذي السنة : من 6 شهووووووووور تقريبا زوجي كسب مبلغ

كبير يعني يكفي للسفر

وطلبت منه انه يعوضني بسفرية هذي السنة ... بعد بعد ماتغلق

الأختبارات النهائية ... يعني بداية شهر 6

مبدئيا وافق زوجي ... واحيانا ملامح وجهه معارضة


المهم : ما تتخيلوا قد ايش حريصة على الفلوس انه ما يصرفها

ودايم اسأله اذا صرف منها ولا لا ؟؟

مع انه والله يا بنات بيتي محتاج فيه شغل كثييييير

محتاجة تنجيد للكنب وطاولات قهوة وطاولة طعام ومدخل وشغلات ثانية

لكن ضحيت ببيتي وقلت : مو من كثر اللي يجونا

انتوا عارفين ليش ابغى اسافر وخاصة للخارج ؟؟؟

انا اجلس من سنة لسنة ما اطلع من البيت الا اذا عند اهلي او

سوووووق اشتري شيء ضروووري <وحتى كمان السوق مع اهلي>

ونادرا نروح لمطاعم وما قد اتمشيت مع زوجي منتزه او حديقة من

سنة لسنة لأنه ما يحب الطلعات كثير

المهم : قلت بعوضها في هذي السفر ... وعشمت نفسي 6 شهووور

لدرجة رحت اشتريت لبناتي جينزات للسفر وانا جهزت اغراض لي



وقبل امس كلمت زوجي وقلت له : خذ اجازة في بداية شهر 6 يكون فترة

اختبارات نهائية والتذاكر معقولة ...

ايش قااااال : لا لا امكن ما نسااااااااافر <انا هنا انصدمت>

وقلت له : انا ماني طفلة تلعب بأعصابي ...

امس جاااااااااااء وجايب معاه جريدة وكان فيها منتجعاااات في ابها

وصار ينادي بناتي : ويقول لهم ايش رأيكم نسافر ابها ونروح هذا المكان

البنات قالوا : ايوة يا بابا نبغى نروووح

انا هنا انحمقت : وقلت له اعطيني سبب ما يخليك تروح برة

قال بكل برووووووووود : والله ماني مستعد اصرف 30 او 40 الف في

عشرة ايام ... اسراااااااااااااااف

انا هنا اتحطمت وقمت وقلت : خير ان شاء الله




قبل لا تجاوبوني :

انا امووووووووووت في ابها واحبها ... بس اتعشمت 6 شهور للخارج

في اندنوسيا او اي دولة .... انا ممكن اروح لأبها بدون تخطيط كلها

شبرين واحنا عندها ... يعني ابها ما يحتاج لها تفكير حق 6 شهور





حاليا : من امس وانا متضايقة بس ما بينت <بس كأنه حاسس>

قالي ايشبك متضايقة : قلت له بس عندي نوووووم ودخلت انام بدري

من الطفش




طيب سؤالي دحين : اخاف اوافق على ابها ... وبعد كده يتعود ...

مع انه عنده فلوس نسافر بس شكلة مستكثر السفر برة


طيبب: اذا جاء وقالي ها نرووووح ابها ؟؟؟

ايش اقوووول له .............. ارفض ام اوافق

واذا وافقت : ايش اقول له عشان ابين له اني اتنازلت مع اني ما ابغى ابها




مع انه والله نفسي نسافر برة .... 90 % للخارج 10 % ابها



اعطوني كلاااااااااااااااااااااام عشان اقول له


يا بنات ما ابغى الوحدة تجي تقول سافري ابها ولا سافري برة

لالالا مو هذا قصدي , انا قصدي اعطوني رد ارده عليه سواء سافرت

برة او ابها ........... ابغى كلام اقوله له عشان يفهم اني بنت واااعية




انتظر ردودكم