متضايقة من نفسي

اول شي انا امي الله يحفظها ربتني وماتزوجت كم سنة عشاني
وكانت مهتمة باناقتي وانا طفلة. بشكل وذيك السنين الطفل الانيق نادر عكس الايام هذي
وكانت حريصة ان كل شي توب وتلاحظ تصرفاتي مرة
كل شي كل شي تنتقدني عليه..اذا غنيت فضحتني وان سويت شي عفوي تعتبره عار و فضيحة
وان تكلمت بشي حققت معي ليش قلتي كذا فضحتينا
المشكلة ما افهم انا وش غلطت فيه مادري هو غباء مني
هذا الشي خلا عندي تردد كبير كبير في اي كلام اقوله
صرت ارتجف احيانا اذا تكلمت واحس اني جبت العيد
الا صرت اجيب العيد بكبره عند الناس
حاليا اتكشخ و ماشاء الله عندي شوية ذوق باللبس بالمناسبات
لكن بالجيات العادية اصعب لانه تتطلب لبس بسيط و مريح ومتنوع لانه يندمر من كثر لبسه وجيتها كم مرة مطيحة بالتنانير سودا وجينز بس مريحة شريت لي كم بلوزة انوع بينهم وتشوفني و تسكت و اشوف الاستغراب فيها معناته مو عاجبها اعرف واخر مرة قالت لي وش رجعك على التنانير تقصرك مررررة وانا على بالي شكلها زين اثاريني منخدعه بنفسي
طبعا طولي ١٦٢
انا للاسف تحطمت و استحيت امشي قدام اي احد خلاص
احس ان شكلي قبيح مرة و الله يعيني يعني ارمي لبسي كله اللي تو شاريته بالزبالة .. رغم ان جسمي حليو و لا لي بطن بس بعد الرجيم تغيرت معالمه وصار مو اي شي يناسبه .. يناسبني. ملابس السهرات و الشي العاري اكثر وهذا مستحيل البسه
طبعا قللت زيارات بشكل كبير لبييتهم رغم انهم جنبي
ورغم طول دوام زوجي
صرت ٢٤ ساعه بييتي .. صاروا ما كأنهم جنبي
احب اجي اهلي بس ثقتي خلاص ما بقى فيها شي
ولا عاد اتحمل اي انتقاد
احس ان الناس يحشون فيني دايم و ينتقدوني لانها دايم من كنت صغيرة تقول الناس قالوا عنك و نقدوك
و اتحدى اي وحدة تسوي سواتك الفلانيه
انا والله الى يومكم مادري وش اخطائي
الشي الاخير ياويلي لو انتقد خواتي بشي
اختي ٢٤ ساعه تلفزيون تشغله على اليوتيوب قلت فلانه خلاص فكينا من التلفزيون ..
على طول ردت امي برد هجومي قالت خليها تتابع بكيفها .. مع ان اخوي منتقد اختي و لا قالت شي
طبعا اي حرف اقوله لخواتي امي لي بالمرصاد
مع العلم انهم خواتي من امي فقط
طبعا للاسف خواتي مايحترموني ابدا و ممكن يغلطون علي بكلام جارح جدا
ملاحظة ما اشك في حب امي لي ابدا و لا زالت تبغا لي الخير
بس كيف اتعامل مع كذا
الثقة صفر
وعشان كذا لما اعزم ببتي احد اتمنى امي ماتجي لان احسني تحت المراقبة اتوقع اي انتقاد