متضايقة وتعبانة من حيااتي

ماعرف شلون ابتدي مشكلتي او يمكن اهي مش مشكله بقدر ماهي فضفضة
بس انا تعبت من زوجي وشاااااااااااااااااايلة بقلبي قهر عليه ماهقيت بيوم من الايام اني بانصدم منه
اكتشفت انه قايل عني كلام مب حلو في حقي عند اخووه !! انا زوجته ستره وغطاه يتكلم عني بطريقة مو حلوة هاليوم ماراح انساه صدمة عمري حسيت هالفعل مافيه ذرة رجولة من وجهة نظري وقعد يقولي الكلام اللي قلته عادي وبعدين قال حزتها كان عادي بس اللحين حسيت اني غلطان اقول في قلبي ياسلام ماتثمن كلامك قبل لاتقوله وبعد اكتشفت انه قايل عني كلام عند اهله بما معناه اني انقل كلام !! قهرني كان ودي اواجه وقتها بالكلام اللي نقلته بس قلت تعوذي من ابليس لان انا من النوع اذا عصبت اقول كلام ما اثمنه بس عشان اقهره او اوصل له القهر اللي فيني المهم يوم درى اني دريت قال انا ماقلت قلت له قلت قال ماذكر قلت له مايهمني المهم انك قلت عن زوجتك كلام مب حلو في حقها عند اهلك وانا اللي عازتك ورازتك عند اهلي اكتشفت هالشي يوم عطاني الموبايل احطه ع الجارج انصدمت يوم قريت هالكلام قلت ماكلفت على خاطرك تسكر المحادثة طبعا اهو يحب يقعد عند امه وخواته عشان يعطوونه الاخبار .. اخبار فلانة وفلان هذا سوا وذي سوت مرة يقولي كلمت امي قالت لي ان فلانة ولدت وفلانة كانت حامل واجهضت طبعا هالفلانات مشهورات يعني مو اهل قلت في قلبي امحق خبر درينا من النت بس يحبك حق السوالف من اتذكر اطباعة اتذكر اصغر اخواني الله يحفظه ولايفتكر في سوالف الحريم 
مرة قلت له عطني الموبايل وانا قاعدة جنبه كنت بدخل النت من عنده قدام عيني دخل الواتس اب ومسح محادثته مع اخته انا انصدمت قلت له على الاقل صد وامسح مو قدامي قام يحلف كالعادة والله بالغلط وعطاني الموبايل حذفته وقلت له مابيه ودخلت المطبخ اجهز الغدا قالي اسف ومو قصدي بالغلط قلت له اوكي سكت الا يقولي تكلمي لاتسكتين قلت له لاتظن ان بادخل محادثتك وباتقرا شتقول لاختك هالشي مو من اخلاقي وطبعي رجع يتاسف ولو مثلا حسيت اني متضايقة من شي منه وقلت له يقلب السالفة علي يقولي انا مو مقصر وظروفنا تختلف وانا اتعب فالدوام اقول في قلبي كل الناس تتعب وتشتغل مب بس انت وطبعا اذا ولدنا صار في شي على طول عند امه الا طاح الا ماياكل مايشرب فيه امساك وامه تقولي عطيه اكليه شربيه حطي له الاكل عنده وهو بياكل لين شافو بعينهم ان الولد بطبيعته ماياكل وايد حسسوني اني مقصرة بحقه وانا ادري ان شهيته للاكل قليلة بس في نفس الوقت احط له واحاول ااكله لاني مسائلة امام رب العالمين عنه ولاني امه واكيد اخاف عليه وابيه يكون بصحة وبخير ودي يسمع كل اللي في قلبي بس مابي اجرحه واخاف يفهمني غلط 
هالمواقف اللي صارت لي منه سببت لي تعب وضيق وقهر وحزن دفين يمكن الموضوع يكون عادي للبعض بس بالنسبة لي كبيير مابي ارجع لاهلي واخسره وفي نفس الوقت مابي الناس تعرف اطباعه الغير حلوة 
على طول ادعي ان الله يهديه ويقربنا من بعض بس من اشوفه اتذكر انه ذكرني بالشينه والمشكله اللحين يمدحني على طول بس ادري ان هالمدح تكفير عن ذنب فابتسم بس ماصدق 
طولت عليكم بس محتاجة حد غريب اقوله عن اللي متعبني واللي عندها نصيحة لاتبخل علي
ادعولي