متضايقة وماني عارفة اتكلم مع مين ؟

سلام

في موضوع مضايقني وابغا اتكلم فيه

امس دخلت في موضوع وموقف عمري ما اتمنيت اني اكون فيه

اخت زوجي ولدت الاحد في الليل وثاني يوم زوج اخت زوجي اتصل على جوالي يبغا يكلم زوجي لانو زوجي مقفل جوالو ،،وصدف اني برة البيت رايحة على المستشفى فقلتلو خير ان شاء الله ،،، فأنفرط الراجل سب وتهديد بخصوص مرتو (اخت زوجي ) ،،،خلاصة الموضوع انو اخت زوجي طولت لسانها على ام زوجها وانها ما تبغا تروح بعد الولادة عند ام زوجها وهو ما اتحمل ،،،وقلي وصلي الكلام لزوجك وابو زوجك

انا وزوجي اتكلمنا مع اخت زوجي على الليل وفهمناها ،،، واتفقنا بما انو في مشكلة ينها وبين ام زوجها تحاول انها تستسمح منها وتفهم من زوجها هو كيف يبغاها تتعامل مع امو ،،،، وبما انها والدة قيصري وما في وقت للمنافشة على الموضوع اتفقنا انو تجي عندنا الين ينحل الموضوع وانو زوجي حيقول لزوجها انو حتقعد عندنا
هذا كلو يوم الاثنين في الليل

صباح الثلاثاء زوجي كلم اختو فقالتلو خلاص انا كلمتو وكلمت امو واعتذرت منها

من كل هذا الموضوع اللي مضايقني انو انا خايفة يجي لا سمح الله يوم في المستقبل يلوم زوج اخت زوجي يلومنمي انا ا(انو قلي وانا ما قلت لاخوها وابوها ) لانو عندي احساس انو اخت زوجي ما قالتلو انو احنا كلمنها ،،،، احس انو لمن كلمتو يعني انها هيا اللي فكرت وعرفت انها غلطت واعتذرت ،،،

ابغا اعرف هل معايا حق اني اخاف واقلق من اش ممكن يقول ولا لأ

ولو لام في المستقبل اش اتصرف واش اللي يثبتلو اني قلت ،،،ويدخلني في مشكلة مالي دخل فيها ،،،،، لانو راجل مشكلجي وتفكيرو محدود عشان كدة انا قلقانة


ساعدوني يرأيكم الله يخليكم